Chapter 81

Paglabas niya sa parking lot ng hotel ay mabilis niyang pinaharurot ang kanyang sasakyan upang sundan si Wolverine. Sa tindi ng pag-apak niya sa accelerator ay tila nakikipagkarera siya sa racetrack. Binubusinahan siya ng mga kasabayan niya sa daan ngunit wala siyang pakialam hanggat hindi niya nakikita ang sasakyan ng binata. He is driving too fast but she’s faster kung kayat nabuntutan din niya ito pagkatapos ng ilang sandaling pakikipagpatintero sa kalsada. Nang makalapit siya sa likod nito ay nagsignal siya dito to slow down and stop, ngunit sa halip na tumigil ay mas lalong pinabilis nito ang pagpatakbo ng minamanehong sasakyan. Sa inis niya ay diniinan niya ang pag-apak sa silinyador at linagpasan niya ito ng walang kahirap hirap. Subalit biglang nagcross ang sasakyang nasa unahan at muntikan niyang mabangga. Mabuti na lamang at malakas ang kanyang presence of mind at nabawi niya ang sasakyan sa pinaka kanang lane. Muntik na naman niyang masagi ang mga barikada sa gilid kung