CHAPTER EIGHT

"Bakit bumalik na naman tayo dito sa condo mo, Dindy? Laging may hindi magandang nangyayari kapag pumupunta tayo sa condominium na ito."

Hindi maiwasang mag-alala ni Cassey. Nang unang beses na tumapak siya sa building na iyon ay nahulog siya sa hagdan kaya nagkaroon siya ng amnesia. No'ng pangalawa naman ay muntik na siyang mapatay ng taong pumasok sa loob ng unit ni Dindy at 'yong pangatlo ay muntik na rin siyang mahulog ulit sa hagdan kung saan siya nahulog dati. Mukhang isinumpa yata ang building na ito kung kaya't maraming sakuna ang nangyayari sa kanya kapag tumatapak siya sa lugar na ito.

"Dahil may kinalaman ang condo unit ko sa nakita ko sa aking isip," sagot ng kaluluwa ni Dindy.   Katulad nang una at pangalawa ay sinilip muna nito ang loob ng unit kung may tao o wala bago siya pinapasok.

"Nakakatakot naman dito sa loob ng unit ni Dindy, Cassey. Parang may mga