Chapter 48

Nasa kasagsagan ako ng pagta-type nang tumunog ang cellphone ko. Agad ko iyong sinagot at ni-loud speaker upang hindi maabala ang aking trabaho.

"Oh?" sagot ko nang makitang si Jaime ang tumatawag.

"Anong oh? Alas dose na uy. Hindi ka pa ba bababa para kumain? Huwag mong ipunta sa trabaho ang lunch break mo," aniya sa kabilang linya.

Tiningnan ko ang orasan sa ibabang bahagi ng computer. Alas dose na nga.

"Sorry. Hindi ko agad nakita ang oras," hingi ko ng tawad. Sa dami ng trabaho ko at sa sobrang focus ko ay hindi ko na namamalayan ang pagdaan ng oras.

"Okay lang. Kadarating lang naman namin ni Nicole dito sa ibaba. Hintayin ka na lang namin dito sa lobby," aniya.

"Sige," sagot ko at mabilis na tinapos ang huling pahina ng ginagawa ko. Naglagay ako ng powder sa mukha at inayos ng kaunti ang bahagyang nagulo kong buhok. Panghuli kong kinuha ay ang aking wallet.

Bago ako umalis ay sinulyapan ko ang office ni Dark. Hindi ba iyon manananghalian? Hindi pa siya lumalabas sa kanyang opisi