Chapter 100

"E-Evo . . . "

Walang nabago sa itsura nito, kung mayroon man ay ang bahagyang pagmatured lang ng mukha nito. Gayunpaman, hindi nabawasan ang tikas ng tindig at ang gandang lalaki nito. Kung siya ang tatanungin ay mas lalo nga itong naging guwapo sa kaniyang paningin.

"Evo!" muling tawag niya na may himig nang pananabik.

Dagli siyang lumakad palapit upang mayakap ito nang mahigpit ngunit . . .

"Honey . . ." malambing na tawag ng babaeng kalalabas lang mula sa banyo.

Litong tinignan niya ito. Nasisigurado niya na ngayon niya lamang nakita ang babae ngunit ang mas nagpagulo sa kaniyang isip ay kung sino ang tinawag nitong honey? Si Roman ba? Si Tyrone? O si Evo?

"H-Honey?" tinanong niya ang dalawang lalaki sa pamamagitan ng tingin.

"A-Ah, R-Romana . . . S-Si Thea nga pala . . . Fiancèe ni Evo," pakilala ni Roman sa babae.

"H-Huh?" Iyon lamang ang tanging salitang lumabas mula sa bibig niya.

Nawala sa isip niya ang naging usapan ni Evo at Roman noon. Sinabi nga pala nito na mayroon na ito