Chapter 98

"R-Roman! M-Malayo pa ba tayo?!" tanong ni Romana sa pagitan ng mga impit na daing. Nasa backseat siya habang seryosong nakatutok naman ang mga mata ng kaniyang kapatid sa daan. Minsan-minsa'y sinusulyapan siya nito.

"Kaunting tiis na lang, Romana. Mararating na natin ang pinakamalapit na ospital."

Ilang minuto pa ang lumipas bago nila narating ang tinatahak na lugar. Nang makababa si Roman mula sa kotse ay kaagad siyang sinalubong ng dalawang nurse.

"Ano po ang problema?" tanong ng isa.

"Nasa loob ng kotse ang kapatid ko. Manganganak na siya . . . P-Please, paki-assist kami."

Patakbong bumalik sa loob ng ospital ang isa sa dalawang nurse na lumapit sa kanila at pagbalik nito ay may tulak-tulak na itong stretcher.

"Sir, ililipat na namin siya dito," sabi ng isa.

Inalalayan siyang makababa ng mga ito pababa sa kotse at saka buong pag-iingat na inilipat sa stretcher. Panay ang higop niya ng hangin dahil pakiramdam niya ay mauubusan na siya ng hininga.

"Relax lang tayo, Ma'am. Don't wor