Chapter 8

Hindi alam ni Tasya kung gaano siya katagal na nakatingin sa mga mata ng binata habang magkalapit ang mukha nilang dalawa. Tinatanggal nito ang helmet na suot niya, at sana nga lang ay hindi nito napansin na kanina pa siya nakatingin.

At ang klase nang pagtibok ng puso niya ay parang gustong lumabas sa katawan niya. Naninibago siya lalo na at ngayon lang nagkaganito ang puso niya na sa sobrang lakas akalain mong maririnig ng kaharap mo.

Nawala lang siya sa pagkatulala ng tumikhim ito. Nakakainis lang dahil nahuli siya nito. Pasimpleng napakagat labi na lang siya at mariing pumikit sa kahihiyan.

"Salamat," ani niya at tumikhim para pakalmahin ang sarili. Napatingin siya nang marinig ang pagtawa ng binata. Hindi niya na naman mapigilang mapatingin sa mga mata nitong bumihag sa kanya.

"Your welcome." Ngumiti ito na kay tamis. Nagulat pa siya sa pag-angat ng kamay nito pero hindi na siya nakagalaw ng lumapat ang hintuturo ng lalaki sa ibaba ng ilong niya at may pinunasan 'don.

"May p