KABANATA 9

Walang tigil sa pagtakbo si Sylvaine kahit pa namamanhid ang mga binti at hita niya. Gusto niyang magpahinga pero hangga't nasa loob siya ng mansyon ni Gray, hindi siya makahihinga.

Kun'di niya ginamit ang kumot at bedsheet para makababa sa bintana, malamang ay hindi siya makalalabas sa kwarto. Kaya lang, ang lawak ng mansyon nito, hihingalin na yata siya bago makarating sa pinaka-gate.

"Sh*t!" bulalas niya matapos mapansing nakasunod ang mga tauhan nito sa kanya.

Pinilit niyang bilisan ang pagtakbo. Napaigik siya sa sakit. Imbis din na bumilis ay bumagal ang lakad niya.

Kailangan niyang makatakas. Ayaw niyang mamatay sa kamay ni Gray.

Nagka-pag-asa siya matapos matanaw na malapit na siya sa gate. Ngunit bigla rin siyang natumba at nadapa matapos may itim na sasakyang marahas na pumarada sa harap niya.

Napangiwi siya at napasulyap sa kanyang tuhod. Nagdudugo na iyon at napuno ng gasgas.

"Tingin mo ba talaga makatatakas ka?" galit at malamig na tanong nito.

Napaangat siya ng tingin. Na