KABANATA 93

Namimilog ang mga mata niya at hindi agad nakakilos sa ginawa ni Gustavo. Ngunit noong maramdaman ang labi nitong gumalaw ay mabilis niya itong tinulak at sinampal. Pumaling sa kaliwa ang mukha nito.

"Bastos!" gulat niyang sigaw at agad na tumayo.

Nanginginig ang kamay niya. Hindi niya lubos mapaniwalaan na hinalikan siya ni Gustavo. Paano na lang kung makita o malaman iyon ni Gray? Tiyak na magwawala ito!

"We've been looking for you, Gustavo. Nandito ka lang pala kila Gray," boses iyon ni Dimitri.

Bumaling siya sa harapan ngunit mas na-estatwa siya matapos makita roon si Dimitri... katabi ni Gray.

"G-ray," sambit niya sa pangalan nito ngunit malamig lang itong nakatingin sa kanya.

Napayuko siya noong lagpasan siya ng tingin nito.

Nakita ba nito? Binugso siya ng kaba at halos hindi na ito matingnan noong lumapit ito kay Gustavo.

"What are you doing here, Gustavo?" malamig na tanong din nito sa kaibigan.

Nasamyo niya ang amoy ng alak sa katawan nito. Siguro nga ay totoong uminom ito pe