KABANATA 17

Hindi mapakali si Sylvaine noong magdilim na sa labas. Pabalik-balik ang lakad niya sa loob ng kanyang kwarto. Naisalba niya ang sarili kanina kay Gray at napilit niya pa na maging banayad ito sa kanya pero kinakabahan pa rin siya. Hindi niya alam kung ano'ng dadatnan sa kwarto nito. Baka mamaya ay huling gabi na pala niya.

Napaigtad siya matapos bumukas ang pinto at sumilip mula roon si Enzo.

"Master's bedroom, Dr. Sylvaine," malamig nitong utos.

Inirapan niya ito at agad na lumabas. Tinuro nito ang dulong kwarto bago siya iwanan. Parang gusto niyang magpahatid dito para mabawasan ang kaba niya kaya lang ay nakababa na ito ng hagdan.

"May lahi yata talaga silang ninja," bulong niya sa sarili. Lahat kasi ng tauhan ni Gray ay mabibilis kumilos.

Huminga siya nang malalim bago dumiretso sa kwartong iyon. Kumatok pa siya ngunit nabitin sa ere ang katok niya noong bumukas iyon. Napakurap siya matapos makitang bagong ligo si Gray at tanging sweat pants ang suot.

"Come in. Are you ready?" se