SMART WOMAN

"ANO ITO? KUMPETISYON? Paunahan kayong mamatay?" Napatigil ang dapat na pagsubo ni Margaux ng agahan nang marinig niya si Alberta. Nasa bingit siya ng pagmumura nang lingunin sa kinauupuan nito ang matanda at irapan ito.

Her gaze then moved to the man silently eating his breakfast across from her. Ngali-ngali siyang irapan din ito. Kaso, nang bigla itong mag-angat ng tingin at magtama ang mga mata nila ay nataranta naman siya sa pag-iwas.

'Shocks! Ang talas naman ng pakiramdam nito?'

"Anong pinagkakaganyan ninyong dalawa?" Kumalog ang mga mangkok nila ni Rome nang galit na hampasin ni Alberta ang lamesa. Nang hindi pa ito makuntento ay paulit-ulit pa nitong pinagtatampal ang dining table. "Hindi ninyo ba naiintindihan na ako ang malalagot sa señor oras na may mangyari sa inyong dalawa?"

"P'wede bang manahimik ka? Kung makapagsalita ka, akala mo kung sino ka, ha—"

"Cara..."

Nalunok ni Margaux ang kanyang galit nang biglang may humablot sa kanyang kamay mula sa ibabaw ng lamesa. Nang ma