Chapter 9

Chapter 9

Nagising ako sa magaang tapik sa balikat ko.

Mukha agad ni Sir Dan ang bumungad sa akin pagkadilat ko. Akala ko nasa panaginip ako dahil medyo malabo pa ang paningin ko nang mamukhaan ko siya.

I'm not into drama kasi minsan lang ako nakakapanood ng mga gano'n, pero parang gano'n ang nangyari sa akin.

Pinapanood niya ako habang natutulog. Seryoso ang mukha niya habang pinagmamasdan ako. Kulang na lang ang magkaroon ng glitter effects para mas maganda tingnan. Tipid siyang ngumiti sa akin.

"We're here." aniya.

Napabangon akong bigla nang ma-realize ko na nakatulog pala ako!

"Gusto sana kitang buhatin papasok sa loob kaso baka awayin mo ako." hindi niya matago ang ngiti niya sa biro niyan iyon.

"Sorry, Sir. Tinulugan kita." hiyang hiya sabi ko. Pangalawang beses na niya akong nakikitang natutulog.

Huli kong naalala ay nagkukwentuhan pa kami tungkol sa buhay niya nung college. Wala sa plano kong tulugan siya kasi mahirap magmaneho ng ganito pa kalayo tapos wala man lang kausap.