Chapter 2

Beatrice POV

Napaupo ako sa bakanteng upuan ng marinig ko ang sinabi ng doctor. Hindi ko na alam kung saan ako kukuha ng pera pambayad sa operasyon ng nanay ko, hindi pa sapat ang naipon ko kahit na ilang trabaho na ang pinasukan ko.

Hindi naman kasi kami lumaki na mayaman, sapat lang ang kinikita ng mga magulang ko para matustusan ang pang araw araw namin. Maaga pang kinuha sa amin si tatay kaya mas naging mahirap pa ang buhay namin idagdag mo pang nagkasakit ang nanay ko.

Nag iisa lang ako anak pero alam kung ginagawa lahat ng mga magulang ko para sa akin, hindi ako nakapagtapos ng kolehiyo dahil kailangan kung matrabaho para mabuhay kami ng nanay ko.

At ngayon hindi ko alam kung saan ako kukuha ng isa’t kalahating milyon para matuloy ang operasyon ni inay dahil kapag tumagal pa ay baka hindi niya na kayanin. Siya na lang ang meron ako ngayon kaya gagawin ko ang lahat para mabuhay lang siya. Hindi na din ako pwedeng mangutang dahil hindi ko pa nababayaran ang mga pinag utangan namin.

“Are you okay Bea?” napatingin ako sa katabi ko, nawala sa isip ko na kasama ko pala siya.

Ngumiti naman ako sa kanya. “Oo okay lang ako.”

“I know you are not, hindi mo kailangan magsinungaling sa akin.”

“Kailangan kung maging malakas Kiara dahil ako lang ang inaasahan ng nanay.” pag amin ko sa kanya.

“Kung kailangan mo ng pera pwede kita munang pahiramin para naman maoperahan na ang nanay mo.”

Umiling naman ako. “Hindi na, masyadong nakakahiya dahil hindi pa naman tayo matagal na magkakilala. Ayaw ko isipin ng iba na nagtake advange ako.” anas ko.

“Alam kung hindi mo tatanggapin kapag tinulungan kita kaya nga ang sabi ko ay utang na lang muna.”

“Salamat Kiara pero hindi ko matatanggap ‘yan, kaya ko pa naman maghanap ng iba pang trabaho.” wika ko.

“Pero kailangan na ng nanay mo ang maoperahan sa lalong madaling panahon, kahit ilang trabaho pa ang pasukan mo ay hindi ka agad makakaipon ng gano’n kalaking halaga.”

Natahimik ako dahil sa sinabi niya, may punto siya. Kahit na magtrahabo ako buong araw at magdamag ay hindi ko kayang maipon ang pambayad sa operasyon ng nanay ko.

“Kung ayaw mo naman na umutang sa akin may isa pa akong pwedeng maging suggestion since plano mo naman maghanap ng trabaho. Mag apply ka na lang sa kompanya namin.” 

Napatingin naman ako sa kanya. “Mas lalong mahirap ‘yang suhestyon mo Kiara, hindi naman ako nakapagtapos ng college at alam kung mataas ang standard ng kompanya niyo kaya sigurado akong puro mga graduate ang empleyado niyo.” saad ko.

“Don’t worry about it dahil ako na ang bahala sa bagay na ‘yon.”

“Ano naman ang trabahong inaalok mo sa akin?” tanong ko sa kanya.

“To be my brother’s secretary.” 

Nanlaki naman ang mga mata ko. “Ano? Ayaw ko nga! Hindi ako pasok diyan sa posisyon na ‘yan lalo na’t sekretarya ng kapatid mo.” bulalas ko.

“Wala siyang sekretarya ngayon dahil tinanggal niya na naman.”

“Oh diba? Ikaw na ang nagsasabi na walang nagtatagal sa kapatid mo, paano pa kaya ako?” anas ko.

“Ako ang kakausap sa kapatid ko, wala naman reklamo ‘yon kapag ako na ang nagsabi sa kanya, ganyan niya ako ka mahal basta ayusin mo lang ang trabaho mo.”

Saglit naman akong natahimik at hindi nakapagsalita, kakayanin ko kayang maging boss ang isang Storm Kyzer Alcantara?

Tinapik naman ako sa braso ni Kiara. “Pag isipan mong mabuti ang offer ko sayo, dahil malaki ang magiging sweldo mo kaya pwede ng matuloy ang operasyon ng nanay mo at makakabayad ka na din sa mga pinag utangan mo.”

“S-sige.” sagot ko naman sa kanya.

“What do you mean?”

“Pumapayag na ako sa inaalok mo, kailangan ko lang talaga para mailigtas ang buhay ng nanay ko.” saad ko.

“Great! I will talk to my brother later about it.”

“Pero sigurado ka ba? Baka hindi pumayag ang kapatid mo.” nag aalalang tanong ko.

“Huwag mo na isipin ang baga na ‘yon dahil ako na ang bahala. At kapag maayos na ang lahat ay pwede ng operahan ang nanay mo.”

“Paano naman mangyayari ‘yon eh wala pa nga akong pera pambayad.” wika ko.

“Si kuya na ang bahala do’n, sasabihin ko naman ang totoo sa kanya para mapahiram ka niya ng pera at mabayaran ang mga utang niyo tutal magtatrabaho ka naman sa kanya.”

Ngumiti naman ako sa kanya at nagpasalamat, nag usap pa kami saglit at mayamaya pa ay nagpaalam na siya na aalis na. Ihahatid ko pa sana siya sa labas pero tumanggi na ito at sinabi niya na bantayan ko na lang ang nanay ko.

Hinawakan ko naman ang kamay ng nanay ko na hanggang ngayon ay wala pa ring malay. 

“Huwag kang mag alala nay at maooperahan ka na din. Mukhang hulog ng langit sa atin si Kiara dahil siya ang nag offer sa akin ng trabaho at hindi lang basta basta na trabaho kung hindi sekretarya pa ng kapatid niya, ngayon ko lang din nalaman na sila pala ang may ari ng Alcantara Company.” pagkwento ko sa kanya.

Bigla ko tuloy na miss ang kaibigan kung si Nicole, simula kasi ng huminto na ako sa kolehiyo ay wala na akong naging balita sa kanya. Alam kung graduate na din siya ngayon at mukhang nagtatrabaho na din, sana lang ay magkita kami ulit.

Napaisip ako bigla sa magiging trabaho ko sa Alcantara Company, hindi kaya ako mahihirapan? Ang sabi ni Kiara ay walang tumatagal na sekretarya ng kapatid niya. Mukhang totoo nga ang sinasabi ng iba na strikto at masungit ang CEO nito, pero wala naman masama kung susubukan ko dahil kailangan ko ng pera at balita ko malaki ito kung magpasahod sa mga empleyado.

Bahala na nga! Ang importante sa ngayon ay mapaopera ko si nanay para hindi na ako mag alala sa kanya, pagbubutihan ko na lang ang trabaho ko kung sakali dahil alam kung malaki ang magiging utang ko sa kapatid ni Kiara pag nagkataon.