KABANATA 14

CHAPTER FOURTEEN

"Alam mo Klayde, hindi ko rin masisisi ang mga magulang ni Hadlee kung bakit nila nilayo si Hadlee sayo." sabay inom ni Greyson ng beer.

Magkasama sila ngayon sa bahay niya habang umiinom. Mahigit dalawang linggo na ang nakalipas ng gumising si Hadlee, at hindi na siya pinahintulutan ng mga magulang nito na magkita pa silang dalawa.

Bantay sarado ang dalaga ng mga gwardya, at halos gusto siyang ipakulong ng ama ni Hadlee dahil siya ang sinisisi sa nangyari. Dalawang linggo na rin niyang nilulunod ang sarili niya sa alak dahil sa bawat araw na iisiping hindi niya alam kung nasaan ang dalaga ay katumbas nito ay isang taong buhay niya.

Gusto niyang makita ang dalaga, mayakap at mahalikan pero hindi niya magawa dahil hanggang ngayon palaisipan sa kaniya kung nasaan ito. Gusto niyang marinig mula sa dalaga na mahal siya nito ng walang halong misyon o panloloko.

"Konting-konti nalang mababaliw na ako sa pagkamiss ko sa kaniya." wala sa sariling sambit niya at sabay tungga n