KABANATA 13

CHAPTER THIRTEEN

"Lalon gumanda na 'tong bahay niyo, Sir!" bati ni Mang Saldy sa bagong kulay ng bahay na sila mismo ang nagpintura. Kahit ang loob ng bahay ay naiba ang disenyo. Halos inabot din sila ng isang linggo dahil parang nirenovate nila ito. Bukod pa doon ay kinailangan niya rin ng ilan tao para makatulong mabuti nalang at may mga kakilala ang katiwala niya.

"Sa tingin niyo Mang Saldy magugutuhan 'to ng magiging misis ko?" tanong niya habang sinusuri ang kabuoan ng buong bahay.

"Ayy! Magugustuhan niya 'to nasisiguro ko 'yon!" masiglang sambit nito.

Sandaling natahimik siya at naalala ang huli nilang pagkikita ni Hadlee kaya may sumilay na lungkot sa kaniyang mga mata.

"P-pero bakit mukhang malungkot ka?" naupo siya sa katabing upuan.

"Nagmahal na po ba kayo Mang Saldy?" nakatingin siya sa kawalan.

"Oo naman, ayon nga't naging misis ko na." napatingin siya sa katiwala na halatang bakas rito ang nagmamahal at masaya.

"May minahal po akong babae, nakasama ko po siya. Masaya ako