Kabanata 7 Hindi Magaling sa Kama

Hindi pinahalata ni Lucian. Pero naintindihan naman ni Selena ang ibig niyang sabihin.

Kitang-kita ang epekto ng soup. Kung tutuusin, hiningi ni Selena ang recipe mula sa isang sikat na doktor.

Isang ngiti ang lumitaw sa kanyang mukha. "Ano ka teenager? Hindi ka ba marunong maging marahan? Sige na bumili ka na."

She added, "Teka lang. Isama mo na rin si Calista. Dapat pumunta siya sa ospital. Masama kung ma-iinfect siya."

Walang masabi si Lucian.

Pero, hindi niya magawang tumanggi sa umaasang tingin ni Selena. Sa huli, tinawag na lang niya si Calista at niyaya itong bumaba pagkatapos magbihis.

Napaisip si Calista na baka may nangyaring hindi maganda dahil sa tono ni Lucian. Kaya, mabilis siyang tumakbo pababa pagkatapos magpalit.

Hindi niya inaasahan na makikita niya doon sina Selena at Lucian.

Medyo walang pakialam ang malalim na boses ni Lucian. "Hindi maganda ang pakiramdam mo. Samahan mo akong bumili ng gamot."

Hindi maiwasang magtaka ni Calista kung kailan niya sinabing may sakit siya.

Napatingin siya kay Selena. At sa wakas, naintindihan na niya ang nangyayari. Si Lucian ay nahuli ng kanyang ina. Ginamit lang siya nito bilang dahilan.

Hindi napigilan ni Calista na mapatingin kay Lucian. "Loko-lokong 'to!" Naisip niya.

Masyadong masaya si Selena nang mapansin ang tensyon sa pagitan nila.

Napansin niyang nakasuot ng masikip na jeans si Calista at sinabing, "Naku magpalit ka ng loose pants. Hindi ka gagaling kung ganyan kahigpit ang suot mo. Baka mainfect pa yan kapag masikip ang suot mo sa ganito kainit na panahon."

"Mom, ano pong sina..."

Nataranta si Calista. Hindi niya maintindihan kung aling bahagi ng katawan niya ang inakala ni Selena na nasugatan.

Pero, hinila siya ni Lucian. Nawalan ng balanse si Calista at natisod sa yakap niya. "Aalis na kami Mom. Magpahinga ka nang maaga," sabi nito sabay hawak sa bewang niya.

Sinamaan siya ng tingin ni Selena. "Bakit ka naman ganyan sa kanya eh nasaktan na nga si Calista dahil sa'yo. Kung babae lang ang family doctor natin kanina ko pa siya tinawagan! "

"Okay," kaswal na sagot ni Lucian. Samantalang si Calista naman ay parang natulala. Nakalimutan pa niyang lumaban nang hawakan siya nito sa baywang at ihatid sa labas.

"Teka." Biglang may naisip na importante si Selena at nagmadaling pumunta sa kusina.

Bumalik siya na may hawak na isang bag ng mgaingredients. "Kunin mo 'to. Effective 'to. Pag may time ka, ipagawa mo 'to sa housekeeper niyo at inumin mo sa gabi."

Napatikom ang labi ni Lucian. "Pwede mo namang iwan para mainom ni Dad."

Simpleng sagot ni Selena, "Hindi 'to kailanganng Dad mo."

Dahil doon, natahimik si Calista.

Nagtaka si Calista, "Ang ibig ba niyang sabihin natural na magaling ang asawa niya sa kama o hindi magaling sa kama ang asawa niya na kahit anong soup ay hindi gagana? Hindi ito isang bagay na dapat marinig ng tulad ko."

Hindi kinuha ni Lucian ang bag. Kaya, itinulak ito ni Selena kay Calista. "Osiya bilisan niyo na. Wag lang kayong bibili ng gamot. Kailangan mong pumunta sa ospital para magpacheck-up."

Sa wakas ay nakapagsalita na si Calista pagkatapos lumabas ng Stansend Manor at sumakay sa kotse. "Anong sinabi mo kay Mom?"

Ayaw ituloy ni Lucian ang usapan. Nagtaas siya ng kilay matapos makita ang bag ng mga sangkap sa kanyang mga braso.

"Ano ? May balak ka ba talagang iuwi 'yan at gawin para sa akin gabi-gabi?" Pang-aasar ni Lucian.

Bumalik sa katinuan si Calista. Pagkatapos, itinapon niya ang bag sa likurang upuan na parang basura.

"Kilala talaga ng mga nanay ang anak nila 'no. Hinanda niya talaga 'yung soup para sa 'yo dahil alam niyang 'di ka magaling sa kama," sagot ni Calista.

"'Di ako magaling sa kama?" Nagmaneho si Lucian gamit ang isang kamay habang pinag-iisipan ang mga salita. "Eh naaalala mo ba 'yung first time mo? Sino kaya diyan yung kinailangan pa ng stitches at naconfine nang ilang araw sa ospital?"

Muli siyang sinulyapan ni Lucian.

Tumingin siya sa kanya ng may awa. "Hindi ba sumagi sa isip mo na kaya ko kinailangan ng mga tahi ay hindi dahil sa magaling ka pero dahil 'di ka nga magaling? Saan ka naman nakakita ng ibang babae na nagmamadaling magpatahi sa ospital pagkatapos ng first time niya? Isolated case lang 'yung tinutukoy mo 'no. Bakit hindi ka maglaan ng ilang sandali para pagnilayan yang kakayahan mo?

Pinikit ni Lucian ang kanyang mga mata, nakaramdam siya ng labis na pagkadismaya at galit. Inapakan niya bigla ang preno.

"Labas!"

Madaling sumakay ng taksi dahil nasa highway naman sila. Alam din ni Calista na nagmamadali siyang makarating sa ospital para bisitahin si Lily. Wala siyang interes na sundan pa ang lalaki. Ni ayaw niyang masaksihan ang pagiging lovey-dovey nila sa isa't isa.

Hindi nagdalawang isip si Calista. Buong kumpiyansa niyang binuksan ang pinto ng sasakyan at lumabas dito.

Habang umaalingawngaw ang makina, isang ulap ng alikabok ang bumalot sa kanyang mukha.

Sumigaw ni Calista sa kotseng papalayo sa kanya, "Bakit ba inip na inip ka na? Hindi pa naman siya patay!"

Tanging katahimikan ang sumasagot sa kanya.

Pagkatapos noon, tumayo si Calista sa gilid ng kalsada at naghintay ng taxi. Pero, isang itim na Bentley ang huminto sa kanyang harapan.

Bumaba si Jonathan sa kotse at magalang na sinabi, "Madam Calista, inutusan po ako ni Mr. Northwood na ihatid ka pauwi."

Naunawaan ni Calista ang gustong ipahiwatig ni Jonathan. Bagama't itinapon siya ni Lucian sa kalsada, hinanap pa rin niya ito sa pamamagitan ng pagtawag kay Jonathan.

Wala siyang dahilan para pahirapin pa ang sitwasyon. Kaya pumasok na lang siya sa kotse.

Ang kanyang utak ay napuno ng paghihiganti sa pagbabalik. "Sobrang concerned ni Lucian as image niya, malamang magagalit 'yun kung iaannounce ko sa publiko ang divorce namin!"

Pero mas malaking problema pa ang kahihinatnan nito kahit pa gustong gusto ni Calista na maprovoke si Lucian sa mga oras na 'to.

Tatlong buwan na lang ang natitira, nasa humigit-kumulang 90 araw na lang naman. Matatapos na rin ito sa isang iglap.

Pero base sa nangyari ngayong gabi, alam ni Calista na hindi makakapaghintay si Lily ng tatlong buwan, lalo pa sa personality niya. Kung tutuusin, makabalik na siya sa bansa.

…

Gabi na nang makarating si Lucian sa ospital.

Nang makarating si Lucian sa hospital ward, narinig niyang pinagalitan ni Lily ang manager niyang si Queenie Yates.

"Ikaw ang dapat makinig sa'kin. Ako angnagpapasahod sa'yo. Sinong nagsabi sayong tawagan mo si Lucian nang hindi ako tinatanong?"

Nagmatigas din si Queenie. "Lily, hindi mo inaalagaan ang sarili mo. Injured ka pero hindi mo sinusunod ang advice namin at pasikreto ka pang nagpapractice."

Hindi siya nagpatinag at patuloy na nangatwiran, "Hindi ka nakikinig sa doktor at sa amin, kaya si Mr. Northwood na lang ang tinawagan ko."

"Problema ko na 'yun. Hindi mo na dapat siya inabala. Kasal na 'yung tao. Ginawa mo lang kumplikado ang sitwasyon para sa kanya."

Kahit na ang kanyang mga salita ay walang pakialam, ang kanyang tono ay may bahid ng kalungkutan. Magdudulot ito ng simpatiya sa sinumang makakarinig sa kanya, lalo na ang panginginig ng boses niya.

"Nagpunta ka sa ibang bansa dahil hindi sinang-ayunan ni Madam Selena ang background ng pamilya mo. Dapat sinabi mo sa kanya imbis na tiniis mo. Ang hangarin mong maging world-class dancer ay hindi lang para sa sarili mo kundi maging karapat-dapat din sa kanya. Pero paano naman 'yun? Nagpakasal na siya—"

Natigilan si Queenie sa kalagitnaan dahil pumasok si Lucian. Ang nasabi lang niya ay, "Mr. Northwood."

After looking at Lily in bed, she added, "Tignan niyo muna ang injury ni Lily. Lalabas lang ako."

Nang makaalis si Queenie, naglakad si Lucian sa kama at tumingin kay Lily. "Itaas mo ang pantalon mo. Titignan ko ang injury mo."

Nang mahulog si Lily sa entablado kahapon, nagkaroon ng mahabang sugat sa kanyang binti. Ito ay nangangailangan ng higit sa sampung tahi.

Pero, hindi nakinig si Lily. Umiling siya at sinabing, "Huwag kang makinig sa kalokohan ni Queenie. Nag-e-exaggerate lang siya dahil nag-aalala siya sa akin—"

Pero, inunahan siya ni Lucian. Ang kanyang ekspresyon ay kalmado, pero ang kanyang tono ay nagpapakita ng kanyang pagkainip. "Itaas mo."

Napakagat ng labi si Lily. Nang makita ang hitsura ni Lucian, wala siyang ibang nagawa kundi itaas ang kanyang pantalon.