Chapter 60 (Part 2)

Hinayaan ko lang s'yang yakapin ako habang pinoproseso ng aking naguguluhang utak ang sinabi n'ya. Hindi ko alam kung ano ang nangyayari. Pakiramdam ko may malaking mali talaga e. Kanina bigla na lang sumulpot si Calderon sa bahay pagkatapos kong makausap si James. Tapos ngayon...

Kanino s'ya anak? Bakit Daddy ang tawag n'ya sa akin? Kailan ba ako nagkaanak? Bakit hindi ko ata alam? Pero bakit kamukha ko s'ya?!

Arrgh ang gulo..!

"Baby..." tawag ko sa kanya.

Kaagad naman s'yang kumalas sa pagkakayakap sa akin saka nakangiti akong tiningnan.

I smiled back at her. "Bakit mo ako tinawag na Daddy?"

"Dahil ikaw po ang Daddy ko." sagot n'ya kaagad sa akin.

Biglang pumitlag ang aking puso sa sinabi n'ya. Habang tinititigan ko ang ngiti n'ya si Sam ang pumapasok sa aking utak. Hindi ko ma-explain pero parang iba ang hatak sa akin ng batang itong nasa harapan ko.

"Sino nangsabi sayong ako ang D-Daddy mo?"

"Si Lola tsaka si Tito Miguel po. Kamukha mo 'y