Chapter 14

SABAY nang niluto ni Elise ang leche flan sa egg pie at brazo de Mercedez. Si Terrence naman ang nagluto ng ulam nila para sa hapunan. She was still affected by Terrence’s unexpected seduction.

Kahit hindi obvious na inaakit siya ni Terrence, ramdam niya ito sa kaniyang sistema. Wala naman siyang problema roon dahil nasa kaniya pa rin ang kontrol. Inalala niya ang sinabi ni Tristan tungkol kay Terrence. Maaring tama si Tristan, mapaglaro si Terrence sa babae. Pero hindi siya papayag na itulad siya nito sa ibang babae na puwede nitong paglaruan.

Naging maingat siya sa kaniyang mga kilos habang kasama si Terrence. Pinakikiramdaman din niya ito. As long as hindi siya naaabuso, hindi siya papalag. May alam naman siya sa self-defense dahil tinuruan siya noon ni Thrasius.

“Let’s eat!” ani Terrence.

“Hahanguin ko lang ang egg pie sa oven,” sabi niya.

Naluto na rin ang leche flan at pinalalamig niya sa tubig na may yelo. Nagawa na rin niya ang brazo de mercedez. Mas matagal maluto ang eg