NAKAKAPAGOD pala talagang magtrabaho. Parang sumakit ang mga paa ko sa pagbabalik-balik ng lakad sa pwesto ni Angela at sa table ng mga customer. Maigi nalang at tapos na ang oras ko at makakapagpahinga na ako sa bahay ngayon.
Nakaupo lang ako sa may gilid at minamasahe ang mga binti ko nang mamataan si Ate Elsa na naglalakad palapit sa akin. Agad akong umayos ng tayo at nginitian siya."Ate Elsa...""Oh Aliyah kamusta?" si Ate Elsa nang makitang nakatayo ako sa gilid at napansin yata ang pamamasahe sa binti ko dahil agad niyang tiningnan ang mga iyon na tila ineeksamin."Eto po 'te Elsa, masaya. Madami po kasi akong nakuhang tip ngayon eh. Salamat po ulit ha." sagot ko habang niyayakap siya."Masakit ba ang binti mo? Hindi mo naman kasing kailangang magmadali kuhanin ang mga orders at magserve sa mga customer eh." ani Ate Elsa na tila pinapangaralan ako."Okay lang po. Nabigla lang po siguro ang mga paa ko. Sayang din naman po kasi 'yong mga tip." saad ko sabay tanggal ng yakap sa kanya."Oh siya sige na. Deserve mo 'yan dahil lagi kang nakangiti sa mga customer natin. Baka nga isang gabi nalang eh may mag-aya sayong magpakasal sa sobrang ganda mo." pambobola nito habang sinusuklay ang mahaba kong buhok gamit ng mga daliri niya. Ilang sandali lang rin naman ay tinigilan na rin niya."Si Ate Elsa naman, nambola pa." kapagkuwan ay sabi ko habang inilalagay na sa locker ang uniform na ginamit ko ngayon gabi."Hintayin mo ako dito, kukunin ko lang 'yong mga gamit ko. Sabay na tayo umuwi ha. Mahirap na maglakad ka mag-isa ganitong madaling araw. Sumakay ka nalang ulit sa sasakyan ko." bilin ni Ate Elsa na agad ko namang sinang-ayunan."Sige po ate Elsa. Dito lang po ako." sagot sabay tayo sa gilid.Ilang minuto lang din ang hinintay ko at lumabas na rin si Ate Elsa bitbit ang mga gamit niya. Hinatid niya rin ako di kalayuan sa bahay namin na pinagpasalamat ko."Dito na ako 'te Elsa. Salamat po." saad ko pagkababa sa sasakyan niya."Sige Aliyah, magpahinga ka ha. Punta ka nalang ulit sa bahay mamaya bago mag alas singko." habilin niya habang itinataas na ang bintana ng sasakyan niya.Tumango lang ako at kinawayan ang sasakyan ni Ate Elsa nang muli niya itong buhayin."Oh Aliyah, anak. Nandiyan ka na pala. Saglit at ipaghahain kita." saad ni Papa habang kinukusot-kusot ang mga mata na tila nagtatanggal ng antok. Bumangon ito nang makitang kakapasok ko lang sa bahay."Pa, 'wag na po kayong tumayo. Magpapalit lang po ako ng damit at magpapahinga na rin. Kumain na rin naman po ako kanina sa club ni Ate Elsa." wika ko at nagmano saglit kay papa. Alas tres na rin kasi ng madaling-araw. Maigi na nga lang at si Papa lang ang nagising dahil himbing na himbing pa rin sa pagtulog sila Mama at ang mga maliliit kong kapatid."Ah ganoon ba. Sige magpahinga kana ha. Anong oras ba ang pasok mo mamaya?" tanong ulit ni papa habang bumabalik sa paghiga katabi ni Mama."Mamaya pa naman po before lunch." sagot ko kay papa habang isa-isang tinatanggal ang sapatos ko. Naupo muna ako sa pinakamalapit na upuan upang hindi mawalan ng balanse."Hindi ka kaya antukin mamaya sa klase mo?" tanong ulit ni papa na agad kong inilingan."Pa huwag na po kayo mag-alala. Itutulog ko lang po ito. Pakigising nalang po ako mamayang mga ten. Baka po kasi hindi ako magising sa alarm ng cellphone ko." bilin ko kay papa at nagtungo na sa aking kwarto.Nagpalit lang ako ng damit at nagtoothrush sabay diretso na higa sa kama ko. Pumikit ako saglit na nagdasal.Hanggang ngayon ay ramdam ko pa rin ang sakit ng paa ko. Pero worth it naman dahil may maiiabot ako sa pamilya ko mamaya pagkagising. Sobra pa nga eh. Makakapagtabi pa ako para pansarili ko."ALIYAH, kamusta? Bakit parang kulang ka sa tulog? Nagpuyat ka ba?" tanong ng isa kong kaklase na si Mae.Nandito na ako ngayon sa university at hinihintay na lamang ang huli naming subject na tatagal ng dalawang oras. Pagtapos noon ay kailangan ko nang umuwi para makapaghanda sa trabaho mamayang gabi kay Ate Elsa. Dito kami sa labas ng classroom namin nakatambay dahil presko dito at hindi mainit."Ha? Oo eh, pero okay lang naman. Kailangan ko kasi magworking student ngayon. Bigla kasing natanggal sa trabaho si papa." kwento ko sa kanya habang tinitingnan ang ibang estudyante na dumadaan.Ang iba ay kanya-kanyang kwentuhan na nagiging dahilan ng ingay sa daan habang ang iba naman ay tahimik lang na naglalakad mag-isa."Ganoon ba? Nakahanap kana ba ng trabaho? Pwede kitang irefer sa coffee shop ng tita ko kung gusto mo. Malapit lang iyon sa inyo sa pagkakatanda ko." offer niya sa akin na agad ko namang tinanggihan."Hindi na Mae, nakakuha naman na ako ng trabaho. Panggabi nga lang. Pero ayos na din 'yon. Tiis-tiis nalang siguro, gusto ko na kasi talagang makatapos. Sayang naman kung bigla akong titigil. Isang taon nalang naman 'di ba.""Oo tama ka dyan. Huwag ka mag-alala Ali, lagi kitang iaupdate pag merong biglaan announcement sa groupchat natin ha. Pahihiramin din kita ng notes ko if ever na may mamiss ka." agad ko naman siyang niyakap at nagpasalamag sa kanya pagkatapos niyang sabihin 'yon.Mabuti nalang at may mabait akong kaklase na nakakaintindi sa sitwasyon ko ngayon."Salamat Mae ha, hulog ka talaga ng langit. Halika na pasok na tayo. Nakita ko na si Sir Turalba papunta sa classroom natin." yaya ko sa kanya at nauna nang tumayo. Agad kong inilahad ang kamay ko sa harap niya para tulungan siya sa pagtayo.Agad naming binati ang professor namin nang tumingin siya sa amin ni Mae. Dalawang oras lang ang subject ni Sir Turalba. Mabilis lang iyon at baka nga makapagpahinga pa ako ng kaunti sa bahay kung maaga niya kami ididismiss.Iwinaksi ko muna ang ibang isipin at itinuon ang buong atensyon ko sa klase ngayon. Kailangan kong magfocus. Ayokong mapabayaan ang pag-aaral ko dahil lang sa meron nang trabahong naghihintay sa akin pag-uwi ko."SORRY Ate Elsa, nalate ako ng gising. Napahaba pala ang tulog ko. Last day kasi ng midterm namin ngayon. Pasensya na talaga Ate Elsa, hindi na mauulit." nandito na ako ngayon sa club. Nagkukumahog sa paghabol kay Ate Elsa. Ilang buwan na rin ang lumipas at regular na ako dito. "Oh siya sige, ngayong gabi ka palang naman nalelate simula ng magsimula kang trabaho ka sa'kin pero ikakaltas ko 'to sa sweldo mo ngayong buwan. Magpalit kana at marami tayong customer ngayong gabi." iyon lang ang sinabi niya sabay lakad nang mabilis sa kanyang opisina. Hindi pa siya tuluyang nakakapasok sa loob nang bigla niya ulit akong lingunin."Aliyah?" tawag niya sa akin."Bakit 'te Elsa?"agad na tanong ko at lumapit nang mabilis sa kanya. "Wala pala, sige na magbihis kana at pumunta kana kay Angela. Maraming tambak na orders doon sa kanya ngayon." nawiweirduhan man ay ngumiti nalang ako at diretso nang kinuha ang uniform ko sa locker ko.Nagbihis na rin ako nang mabilis at naglagay ng kaunting make u
"SUMIGAW ka lang ha, nandito sila Kuya Bong at Kuya Gab sa labas. Maririnig ka nila agad." paalala sa akin ni Ate Elsa habang hawak hawak ang dalawa kong kamay. Para siyang nag-aalala. Nginitian ko siya para kahit naman papaano ay gumaan ang pakiramdam niya. "Okay lang po ako Ate Elsa. Sige po papasok na po ako." paalam ko sa kanya na tanging dahan-dahan lamang na tango ang sinagot niya. Isang beses pa ay nginitian ko siya. "Aliyah?" tawag niya ulit sa akin."Po?" "Take care of yourself ha. Nandito lang ako." "Opo Ate Elsa, salamat nga po pala sa damit. Lalabhan ko nalang po." "You can keep that one. Sige na pumasok kana." tango lang ang sinagot ko. Nabigla ako nang bigla niya akong yakapin kaya niyakap ko nalang din siya. Maya-maya lamang ay ako na ang nagkusang kumalas sa yakapan namin at nagdesisyon nang pumasok. Pagkapasok ko sa kwarto ay nagulat ako. Hindi ito mausok kagaya ng lugar sa ibaba. Dim lang din at steady ang ilaw na hindi nakakahilo sa mata. Agad natutok ang mga
"PAPA!" sigaw ko pagkapasok ko ng bahay namin. Nagtaka naman ako dahil hindi ako sinalubong ng aking ama sa labas ng bahay namin. Lagi niya kasing ginagawa 'yon. Ngayong araw lang yata hindi."Alex nasaan si papa? At saka si mama? Bakit wala dito?" tanong ko sa sumunod kong kapatid nang makitang nakaupo ito sa tapat ng telebisyon namin."Hindi ko po alam ate eh. Kanina po kasi narinig nalang namin na sumigaw si papa tapos ginigising si mama tapos maya-maya po dumating sila Kuya Dante tapos tinulungan si papa na buhatin si mama palabas." tila wala sa sarili na sagot ng kapatid ko sa akin. Na para bang nagkekwento lang siya ng binili niyang candy sa tindahan.Shit anong nangyari? Kailangan kong tawagan si Papa. Baka ano nang nangyari kay mama. Hindi pa man ako nakakabihis ay agad ko lang nilapag ang bag ko at agad kinuha ang cellphone ko para tawagan si Papa. Ilang ring lang ay sumagot na agad si papa. "Pa anong nangyari? Bakit sabi ni Alex binuhat nyo daw si Mama palabas ng bahay? Ma
"ALIYAH ano? Sumagot na ba si Mr. Saavedra sayo?" tanong sa akin ni Ate Elsa ngunit bigong mukha lamang ang ipinakita ko sa kanya. Nang itext sa akin ni Ate Elsa ang numero ng matanda ay agad ko itong tinawagan. Pero nakakalimang missed call na 'ata ako ay hindi pa rin ito sumasagot kaya't naisipan kong umuwi na lamang at dumiretso sa bahay nila Ate Elsa upang tanungin kung may alam pa ba siyang ibang numero ni Mr. Saavedra. "Ano ba kasing importanteng bagay ang kailangan mong sabihin sa kanya na nagkakandaugaga ka? Hindi ba pwede na mamayang gabi nalang pagkaduty mo?" tanong niya ulit habang naghahanda ng pagkain sa kanyang maliit na lamesa. "Hindi pwede 'te eh. Kailangan ko talaga siyang makausap." sagot ko at isang beses pang tinawagan ang numero ng matanda. Ngunit katulad din kanina, puro ring lang ito at walang sumasagot. "Tama na muna 'yan. Maupo ka muna dito sa tabi ko at sabayan mo akong kumain." yaya ni Ate Elsa habang pinapapunta ako sa katabing upuan niya. "Hindi na p
ALIYAH POV"Pa..." tawag ko sa aking ama dahil pagkadating ko sa ospital ay nakaupo ito sa sulok at nakatulala. Halatang halata na may malalim na iniisip.Agad naman itong tumayo nang makita ako. Isang mano ang ginawad ko pagkalapit ko sa kanya. "Aliyak anak..." "Nasaan na po ang doctor ni Mama? Halika na Pa, puntahan na natin para makausap tungkol sa kundisyon ni mama." yaya ko sa aking ama habang hinihila siya papuntang kung saan. "Aliyah anak, kahit anumang sabihin ng doctor tiyak akong malaking pera ang kakailanganin-" "Pa, wala pa nga eh. Hindi pa nga po natin nakakausap 'yong doctor eh." putol ko sa sinasabi ni Papa. Oo nandoon na tayo sa posibilidad na tama naman si papa pero kahit ganoon, kailangan pa din naman mag-isip ng maganda. Si papa na ang naunang maglakad ako naman ay nasa likod niya lang. Sa dulo ng isang daan nakapwesto ang opisina ng doctor ni mama. Una na akong pinapasok ni Papa. "Take a seat." pormal at seryosong saad ng doctor na agad naman naming ginawa n
ELSA POVDali-dali na akong sumakay ng sasakyan ko papunta sa ospital kung nasaan ang nanay ni Aliyah na malamang ay nandoon na rin si Saavedra. That ruthless man! Hindi talaga siya titigil hanggat hindi nangyayari ang gusto niya. He will intentionally go to that hospital and will take advantage on Aliyah's weakness. Sigurado ako. Tinatawagan ko ang cellphone ng dalaga ngunit ring lang ito ng ring. Marahil nakasilent ito o di kaya'y hindi niya hawak. "Shit nasaan ka na ba Aliyah?" usal ko kahit alam kong ako lang din naman ang nakakarinig. Hindi pwedeng sila ni Saavedra ang unang magkita. Binilisan ko pa lalo ang paandar ng sasakyan at ilang minuto lang ay narating ko na agad ang lugar. Huminga muna ako ng malalim bago napagpasyahang pumasok. Tinanong ko lang saglit sa reception ang room number ng ina ng dalaga bago nagmamadaling sumakay na sa elevator. Nang marating ko ang floor na sinabi kanina ng nurse ay tahimik dito. Walang katao-tao ang daan. Naglakad na lamang ako at sumili
ELSA POV NAGMAMADALI akong bumaba ng aking sasakyan ng marating ang building ni Mr. Saavedra. Kailangan kong makausap muna si Aliyah bago pumayag sa proposal na sinasabi ng matanda. Mabilis na pinagpipindot ko ang button ng elevator. Ngayon ay hinihintay ko na lamang na bumukas ito. Ilang segundo lang ang hinintay ko at bumukas na nga ito. Iniluwa n'on ang isang binatang nakakunot ang noo. Napansin niya siguro ang pagtitig ko sa kanya kaya mas lalong kumunot ang noo nito at halos magsalubong na ang mga kilay. "What? You wanna fuck with me?" hindi ko alam ang irereact sa bastos at bulgarang salita ng lalaki. Sino ba ito sa akala niya at ganoon nalang makipag-usap. "As if. You're not even my type." iyon lang ang sinabi ko at nagmamadali nang pumasok sa loob. Isang beses pa akong nilingon ng lalaki bago tuluyang lumabas ng elevator. Pagkasara ng elevator ay mabilis kong pinindot ang button papunta sa pinakamataas na floor. Alam kong doon ang opisina ni Mr. Saavedra dahil minsan na
ELSA POVMABILIS na lumapit sa akin ang mga bodyguard ni Mr. Saavedra nang marinig nila akong kinakalampag ang pintuan ng boss nila. "Miss Elsa!" sigaw pa ni Allan at inutusan ang mga lalaking pigilan ako. Ngunit bago pa nila ako mahawakan sa magkabilang braso ay biglang bumukas ang pinto ng kwarto at iniluwa noon ang lalaking kanina ko pa hinahanap."Hey Elsa, I didn't know you will visit me. Sinarado ko pa naman ang pinto ng opisina ko." anito at tatawa-tawa. Mas lalo lang tuloy akong naasar. "Where's Aliyah? Kailangan ko siyang makausap." saad ko at tinitigan siya nang matalim. Kung nakamamatay lang ang pagtingin ay baka kanina pa ito nakabulagta. "Si Aliyah? Well, she's in my office. Probably signing now our contract. The marriage contract to be exact." sagot lang nito at tinawag si Allan. Agad din nitong sinarado ang pinto ngunit pinagpatuloy ko lang ang pagkalampag dito at pagtawag sa dalaga. "Hind ka niya maririnig, stop wasting your energy Elsa. Maybe you're not aware that