Ang akala ko'y titila na ang ulan ngunit tuloy-tuloy pa rin ang buhos nito habang nasa loob kami ng isang tila kuweba na malayo na sa village kung saan kami nanggaling. Walang malakas na bugso ng hangin na ipinagpasalamat ko na rin dahil bawas sa saming alalahanin. Tumingin ako sa likuran ko kung nasaan si Sir Joaquin. Abala siya sa hawak niyang cellphone dahil kanina pa siya naghahanap ng signal para may matawagan kahit na isa sa mga team. Siguradong nag-aalala na ang mga ito dahil mga nasa isang oras na rin kaming nawawala." Finally..." Napabuga siya sa hangin saka ibinaba ang kaniyang cellphone. " Nakapagpadala na kayo ng message sa kanila? " tanong ko saka lumapit sa kinauupuan niya." Oo, sana lang matanggap agad nila nang mapuntahan na tayo dito, " aniya saka tumingin sa gilid niya kung saan nakapuwesto si Coco na kahit papaano ay nawala na ang panginginig. Binalot ko sa kaniya 'yong kapote kong suot kanina dahil basa na rin naman na 'yong damit ko. Puro putik na rin 'yong sa
" Kaunting editing na lang, malapit na raw matapos 'yong documentary film, " tila excited na wika ni Jana nang makarating siya sa mesa na lagi naming pinu-puwestuhan sa cafeteria. Ibinaba niya ang tray na dala at naupo sa tabi ko para ikuwento ang nasagap na balita mula sa production team. " Excited na akong mapanood 'yon. Hanggang ngayon nga hindi pa rin ako makapaniwala na nagawa nating makaligtas sa halos isang linggong pananatili doon sa bundok. Ang daming nangyari at parang panaginip pa rin saakin ang lahat. Kumusta na kaya sila doon, ano? " " Bayanihan pa rin ang mga taganayon sa pagbuo ng mga kubo at sa pagkakaalam ko, tatlo na ang naitayo doon ngayon, " saad ni Terrence na nasa kaliwa ko. " At least kahit papaano, mayroon ng matitirahan 'yong ibang pamilya na nawalan ng tahanan. " " Hoy sandali, totoo kaya na nagbigay pa si Chief ng sobre sa bawat pamilya sa mga taganayon? " halos pabulong na tanong ni Jana saka inilapit ang mukha sa gitna ng mesa para marinig ang boses niya
Pushing cart ang pinili ko kahit hindi naman marami ang bibilhin ko. Ayoko magbitbit o pagbitbitin ng basket si Terrence na abala sa pagtingin ng mga pagkaing de lata sa section kung nasaan kami ngayon. Mayroon ng tatlo sa kamay niya, mukhang napabili na rin siya kahit wala sa plano niya. " Ako na ang magtutulak niyan, " aniya nang iligay 'yong mga de latang kinuha niya sa pushing cart. Sinubukan niyang agawain saakin pero umiling ako at isinandal ang mga braso ko sa handle. Ang sarap kaya sa feeling na maglakad sa grocery store habang may tulak-tulak na pushing cart. Gustong-gusto ko na ito ang gamit ko kahit iilan lang 'yong mga ipamimili ko. Iwas hassle. " So, puwede mo na bang ikuwento? " pasimple kong tanong kay Terrence habang inililibot ang tingin para humanap pa nang masarap-sarap na pagkain. Nabili ko na lahat ng hinahanap ng bibig ko, pero gusto ko na ring bumili ng pasalubong sa bahay." Hindi ko sigurado kung ikatutuwa mo ang sasabihin ko, pero deserve mo naman na malama
" Si Chief daw pala ang nagpaalis ng coffee maker dito. " Napalingon ako sa dalawang empleyado na ngayon ay may dalang sariling coffee power para magtimpla ng kanilang mga kape. Nandito ako sa mimi cafeteria para palitan 'yong gummy worms na halos maubos ko kahapon. " Bakit raw? " tanong ng kasama habang nilalagyan ng tubig na mainit ang kanilang tasa. " Ewan ko. Baka nagtitipid si Chief? Oras-oras ba naman may nagkakape saatin, eh. " Natatawang pahayag ng isa. Binalik ko ang atensyon sa jar nang magkalaglag 'yong ibang gummy worms na hindi na kasya dahil puno na ang loob. Hanggang ngayon, hindi pa rin ako mapakali sa balak na itanong saakin ng kapatid ko. Sinubukan kong mag message sa kaniya pero hindi naman ako ni r-reply-an kaya malamang mamayang gabi ko na lang kauusapin sa bahay. Hindi maganda ang kutob ko pero umaasa pa rin ako na mali ako. Pagkalabas ko sa mini cafeteria, nasalubong ko si Sir Joaquin na mukhang kadarating lang. " Good morning—" " Office, " sapat na ang
Maingat kong ibinaba ang isang tasa ng kape sa lamesita at ang plato na mayroong dalawang piraso ng pizza na galing sa isang box na dala ni Terrence. Napatingin ako sa bouquet of flowers na nakapatong sa dulo ng kama na dala rin ng lalaki para saakin. Sa mga oras na ito, binabalot ako ng konsensiya at wala na ring dahilan para gumawa ng kasinungalingan dahil narinig naman na niya ang katotohanan. " Anong plano mo? " Napatingin ako kay Terrence na nakaupo sa gilid ng kama ko. Wala akong choice kundi dalhin siya sa kuwarto dahil wala pa sa plano kong ipaalam kina Mama ang tungkol sa pagdadalang tao ko. " Kailangan ko munang ilihim ito hangga't hindi ko nalalaman kung sino ang ama ng bata..." Nahihiya kong sagot habang nakatayo sa harap niya. Binaba ko muli ang tingin sa lamesita na nasa pagitan namin. Nagpunta siya rito para dalhan ako ng bulaklak at ng pagkain, pero sa mga nalaman niya ngayon, hindi ko deserve na makatanggap ng kahit na anong bagay at pagkain mula sa taong ito. "
Nagkalat ang ilang blouse ko sa ibabaw ng kama habang sinusukat ito isa-isa. Hindi ako mapakali dahil halos lahat ng pang-itaas ko ay tila ba hindi na bagay sa katawan ko. Payat ako at maliit lang din ang baywang ko, pero ngayong tatlong buwan na akong nagdadalang tao, hindi na ako puwedeng magsuot ng damit na hapit sa baywang ko. Pansin ko rin ang bahagyang paglaki ng aking dibdib kaya mas lalo akong nahihirapang mamili ng susuoting damit. Tumingin ako sa orasan na nakasabit sa dingding. Alas sais y medya na ng umaga pero hindi pa rin ako nakakaalis sa bahay. Lunes ngayon, traffic panigurado kaya malamang late na naman ako. " Bahala na nga, puñeta. " Dinampot ko na lang 'yong itim kong hanging blouse at high waisted khaki pants. Hindi na ako nag abalang suklayin ang buhok ko at basta ko na lang siyang itinali bago suotin ang white sneakers. " Oh, hindi ka na kakain? " tanong ni Mama na maabutan ko siya sa kusina na naghahanda ng umagahan. " Basa pa ang buhok mo, itinali mo na. Sa
" Uwing-uwi ka ngayon, ah? May lakad ka? " tanong ni Jana nang maabutan niya akong nagliligpit na ng gamit sa cubicle ko gayong may thirty minutes pang natitira bago matapos ang office hours. " Wala naman. May dadaanan lang akong store malapit dito dahil alas siyete ang sara noon. Baka wala akong maabutan, " pagsisinungaling ko dahil nasa labas si Sir Joaquin at kausap si Miss Lizzie sa table niya. Hindi man siya nakatingin dito, may tainga siya para marinig ang anumang lalabas sa bibig ko. Matapos niya akong pagbawalan, hindi ko na tinangka pang buksan ang topic tungkol sa Angel's Bar sa iba kong kasama dahil may plano na ako ng pansarili ko lang. " Kasama mo si Terrence? " Nakangising tanong saakin ni Jana at kita ko mula sa peripheral vision ko ang pagtingin ni Sir Joaquin sa gawi namin. Sinundot ni Jana ang braso ko. " Kayong dalawa, ah? Akala ko ba hindi na kayo nag d-date? Bakit parang may something pa rin sainyo? " " Binibigyan mo kasi ng ibang meaning 'yong galaw ni Terrenc
Halos mapatalon ako sa kinatatayuan ko nang pahampas na inilapag ni Sir Joaquin ang dyaryo sa mesa niya. Bungad na bungad roon ang picture namin ni Archer na papasok sa loob ng Angel's Bar. Mayroon pang isang picture kung saan nakuhanan ang gulo na nangyari sa loob at iyong lalakeng nakaaway namin ay anak pala ng isa sa owner noong Angel's Bar. Hindi ko na kailangan basahin ang nilalaman noong storya dahil kahit sa internet, nagkalat din ang article tungkol saamin ni Archer. " Iba talaga ang katigasan ng ulo mo, Cabrera, " kalmado pero mababakas ang pagkadismaya sa boses ni Sir Joaquin habang pinapatay ako sa tingin. " Hindi ka talaga mapagsasabihan, 'no? Talagang ipipilit mo kung ano ang gusto mo at hindi mo man lang inisip 'yong consequences ng ikikilos mo. " Pinili kong hindi muna magsalita dahil alam kong marami pa siyang bala na patatamain saakin. Inasahan ko ng may lalabas na article tungkol sa nangyaring gulo sa sikat na bar na 'yon pati na rin sa pagkakadawit ng pangalan n