" Si Chief daw pala ang nagpaalis ng coffee maker dito. " Napalingon ako sa dalawang empleyado na ngayon ay may dalang sariling coffee power para magtimpla ng kanilang mga kape. Nandito ako sa mimi cafeteria para palitan 'yong gummy worms na halos maubos ko kahapon. " Bakit raw? " tanong ng kasama habang nilalagyan ng tubig na mainit ang kanilang tasa. " Ewan ko. Baka nagtitipid si Chief? Oras-oras ba naman may nagkakape saatin, eh. " Natatawang pahayag ng isa. Binalik ko ang atensyon sa jar nang magkalaglag 'yong ibang gummy worms na hindi na kasya dahil puno na ang loob. Hanggang ngayon, hindi pa rin ako mapakali sa balak na itanong saakin ng kapatid ko. Sinubukan kong mag message sa kaniya pero hindi naman ako ni r-reply-an kaya malamang mamayang gabi ko na lang kauusapin sa bahay. Hindi maganda ang kutob ko pero umaasa pa rin ako na mali ako. Pagkalabas ko sa mini cafeteria, nasalubong ko si Sir Joaquin na mukhang kadarating lang. " Good morning—" " Office, " sapat na ang
Maingat kong ibinaba ang isang tasa ng kape sa lamesita at ang plato na mayroong dalawang piraso ng pizza na galing sa isang box na dala ni Terrence. Napatingin ako sa bouquet of flowers na nakapatong sa dulo ng kama na dala rin ng lalaki para saakin. Sa mga oras na ito, binabalot ako ng konsensiya at wala na ring dahilan para gumawa ng kasinungalingan dahil narinig naman na niya ang katotohanan. " Anong plano mo? " Napatingin ako kay Terrence na nakaupo sa gilid ng kama ko. Wala akong choice kundi dalhin siya sa kuwarto dahil wala pa sa plano kong ipaalam kina Mama ang tungkol sa pagdadalang tao ko. " Kailangan ko munang ilihim ito hangga't hindi ko nalalaman kung sino ang ama ng bata..." Nahihiya kong sagot habang nakatayo sa harap niya. Binaba ko muli ang tingin sa lamesita na nasa pagitan namin. Nagpunta siya rito para dalhan ako ng bulaklak at ng pagkain, pero sa mga nalaman niya ngayon, hindi ko deserve na makatanggap ng kahit na anong bagay at pagkain mula sa taong ito. "
Nagkalat ang ilang blouse ko sa ibabaw ng kama habang sinusukat ito isa-isa. Hindi ako mapakali dahil halos lahat ng pang-itaas ko ay tila ba hindi na bagay sa katawan ko. Payat ako at maliit lang din ang baywang ko, pero ngayong tatlong buwan na akong nagdadalang tao, hindi na ako puwedeng magsuot ng damit na hapit sa baywang ko. Pansin ko rin ang bahagyang paglaki ng aking dibdib kaya mas lalo akong nahihirapang mamili ng susuoting damit. Tumingin ako sa orasan na nakasabit sa dingding. Alas sais y medya na ng umaga pero hindi pa rin ako nakakaalis sa bahay. Lunes ngayon, traffic panigurado kaya malamang late na naman ako. " Bahala na nga, puñeta. " Dinampot ko na lang 'yong itim kong hanging blouse at high waisted khaki pants. Hindi na ako nag abalang suklayin ang buhok ko at basta ko na lang siyang itinali bago suotin ang white sneakers. " Oh, hindi ka na kakain? " tanong ni Mama na maabutan ko siya sa kusina na naghahanda ng umagahan. " Basa pa ang buhok mo, itinali mo na. Sa
" Uwing-uwi ka ngayon, ah? May lakad ka? " tanong ni Jana nang maabutan niya akong nagliligpit na ng gamit sa cubicle ko gayong may thirty minutes pang natitira bago matapos ang office hours. " Wala naman. May dadaanan lang akong store malapit dito dahil alas siyete ang sara noon. Baka wala akong maabutan, " pagsisinungaling ko dahil nasa labas si Sir Joaquin at kausap si Miss Lizzie sa table niya. Hindi man siya nakatingin dito, may tainga siya para marinig ang anumang lalabas sa bibig ko. Matapos niya akong pagbawalan, hindi ko na tinangka pang buksan ang topic tungkol sa Angel's Bar sa iba kong kasama dahil may plano na ako ng pansarili ko lang. " Kasama mo si Terrence? " Nakangising tanong saakin ni Jana at kita ko mula sa peripheral vision ko ang pagtingin ni Sir Joaquin sa gawi namin. Sinundot ni Jana ang braso ko. " Kayong dalawa, ah? Akala ko ba hindi na kayo nag d-date? Bakit parang may something pa rin sainyo? " " Binibigyan mo kasi ng ibang meaning 'yong galaw ni Terrenc
Halos mapatalon ako sa kinatatayuan ko nang pahampas na inilapag ni Sir Joaquin ang dyaryo sa mesa niya. Bungad na bungad roon ang picture namin ni Archer na papasok sa loob ng Angel's Bar. Mayroon pang isang picture kung saan nakuhanan ang gulo na nangyari sa loob at iyong lalakeng nakaaway namin ay anak pala ng isa sa owner noong Angel's Bar. Hindi ko na kailangan basahin ang nilalaman noong storya dahil kahit sa internet, nagkalat din ang article tungkol saamin ni Archer. " Iba talaga ang katigasan ng ulo mo, Cabrera, " kalmado pero mababakas ang pagkadismaya sa boses ni Sir Joaquin habang pinapatay ako sa tingin. " Hindi ka talaga mapagsasabihan, 'no? Talagang ipipilit mo kung ano ang gusto mo at hindi mo man lang inisip 'yong consequences ng ikikilos mo. " Pinili kong hindi muna magsalita dahil alam kong marami pa siyang bala na patatamain saakin. Inasahan ko ng may lalabas na article tungkol sa nangyaring gulo sa sikat na bar na 'yon pati na rin sa pagkakadawit ng pangalan n
Iniabot saakin si Moira ang isang pamilyar na ticket mula sa Angel's Bar kung saan binibigyan nila kami ng 50% discount bilang parte ng paghingi nila ng dispensa sa nangyari noong nakaraang gabi. Naglabas na sila ng statement at inaako nila ang pagkakamali na ginawa noong anak ng isa sa mga owner ng bar. " Ang sabi noong babaeng nagpakilalang secretary ng owner ng bar, tatlong beses daw 'yan puwedeng gamitin sa Angel's Bar sa loob ng isang buwan. Ipakikita lang daw 'yan sa guard at sa staff doon kapag nagpunta ka, " paliwanag ni Moira, " Gusto noong secretary na personal na iabot sa'yo 'yan, pero ang tagal mo kaya iniabot na lang saakin. " Hindi ko maiwasang mapangiti dahil tila pinadali lang nila ang plano kong pagpasok muli sa bar na 'yon. Akala ko iba-ban kami doon. " Puwede bang sumama diyan? " tanong ni Jana saka kinuha sakin 'yong card. " Grabe, sa card pa lang na'to kitang-kita na kung gaano sila kagalante. Gold talaga? Puwede kaya itong isanla? " Kinuha ko ito kay Jana at
" Ihahatid na kita. " Naalis ang tingin ko sa mga kapulisan nang lapitan ako ni Sir Joaquin. " Alas-onse na, masyado ng late para bumyahe ka nang mag-isa. " Binalik ko ang tingin sa mga kapulisan kung saan abala sila sa pagkolekta ng mga nakumpiskang ipinagbabawal na gamot at mga matataas na kalibre ng barill na nakuha rin mula sa basement. Nakalatag ang lahat sa ibaba kasama ang mga collar na sa wakas ay nailais na sa leeg ng mga kababaihan at ang mga remote na kumo-kontrol sa mga ito. May mangilanniglan ring mga media ang nasa loob upang kuhanan ng pahayag ang mga nahuling suspect at mga biktima na ngayon ay ligtas na. " Miss Zenaida. " Nabalik ang aking tingin sa lalaki. " May gusto ka pa bang usisain? " " W-Wala naman na..." Tumayo ako mula sa pagkakaupo at tinapunan ng tingin si General Delgado na ngayon ay nasa harap ng camera, sinasagot ang lahat ng mga katanungan mula sa mga reporter na nakapalibot sa kaniya. Sunod kong tinignan ang mga naka-posas na walang maipakitang mukh
Kasalukuyan akong nasa loob ng isang boutique shop. Pumipili ng bagong damit na nararapat kong suotin dahil hindi na maitatago ng mga damit ko pamasok 'yong baby bump ko. May dalawa na akong blouse na napili pero parehong itim kaya kailangan kong palitan ng kulay 'yong isa dahil baka kung ano ang isipin ni Mama sa kulay na pinili ko. Siguradong tatanungin kung saan ako makikipaglibing. " Ma'am, ito po, bagay sainyo ang kulay orange. Litaw po ang beauty niyo, " suhestiyon ng saleslady sa gilid ko pero nginitian ko lang siya at naghanap ng bagong damit pang-itaas. Masyadong matingkad ang orange. Kailangan ko ngang maitago 'yong baby bump ko, bakit ako pipili ng light color?Tumingin ako sa relos na suot ko, alas onse na ng tanghali. Ala una ang appointment ko sa isang clinic malapit lang sa boutique shop kung nasaan ako ngayon. Linggo ngayon kaya kinuha ko ang pagkakataong ito para makapag pa-checkup. Sinadya kong umalis nang maaga sa bahay at dinahilan ang trabaho ko para hindi na sil