Chapter 17

CHAPTER SEVENTEEN

Silence.

Muling namayani ang katahimikan sa sasakyan ni Ivan nang matapos ang pakikipag-usap nila kay Mr. Choi. Hindi alam ni Ivan kung ang pinunata ba roon ng lalaki ay ang proposal niya o ang babaeng kasama niya. Mas nabuhay ang galit sa loob niya. Hindi niya alam kung bakit siya galit. Hindi niya alam kung kanino siya galit.

Sa kabilang banda, kitang-kita naman ni Nelvie ang galit sa mukha ng boss niya. Hindi na lang siya nag salita o nagtanong pa at baka lalo lamang magalit. Sinandal niya ang ulo at saka dumungaw sa labas ng bintana ng sasakyan. Tahimik niyang pinanood ang labas habang nasa byahe sila.

Pagdating sa silid ay walang imikan ang dalawa. Gusto sanang nagtanong ni Nelvie ngunit tinikom niya na lang ang bibig dahil mukhang galit pa rin ang amo. Dumiretso siya sa kaniyang kwarto ata agad na nagpalit ng pantulog para makapag pahinga.

Si Ivan naman ay umupo sa may malambot na sofa habang may kung anong gumugulo sa isipan niya. Hinilot niya ang sintido a