Chapter 1

"Mom, ano po ang niluluto mo? Ba't ang dami mo pong niluluto na pagkain? May bisita po ba kayo? Pupunta po ba ngayon si Tita Mercy?" nagtatakang tanong ni Angela sa kanyang mommy Dina habang nagluluto ito sa kusina. Abalang-abala ito.

Tumigil muna sa ginagawa niya ang mommy niya para sagutin siya nito sa mga katanungan niya na 'yon. Ngumiti ito sa kanya at dahan-dahan na ibinuka ang bibig para magsalita.

"Sa susunod pa na araw pupunta ang Tita Mercy mo dito sa bahay natin, eh," sagot ni Dina sa anak niya na si Angela na nagtataka pa rin sa kanya.

"Ganoon po ba? E, bakit ang dami mo pong niluluto ngayon? Wala naman pong may birthday sa atin, 'di ba? Wala rin naman po siguro kayong bisita," nakangiwing tugon ni Angela sa mommy niya na bumuntong-hininga muna bago sumagot muli sa kanya.

"May bisita ako ngayon na hapon," nakangising sagot ng mommy niya sa kanya.

"Sino po? Sino po ba ang bisita mo ngayon na hapon? Mga katrabaho mo po ba?" usisa pa ni Angela sa mommy niya. Umiling ang mommy niya.

"Hindi. Hindi ko ka-trabaho ang bisita ko ngayon na hapon," sagot ni Dina sa kanya.

"E, sino po ba?" tanong pa ni Angela sa mommy niya na nakakunot ang malalapad na noo.

"Pupunta ngayon na hapon ang boyfriend ko," anunsiyo ng mommy niya sa kanya na ikinagulat niya. Umawang ang mga labi niya.

"A-ano pong sinabi mo? Pupunta po ang boyfriend mo ngayon na hapon? Wait lang po, naguguluhan po ako sa sinasabi mo. May boyfriend ka po?" hindi makapaniwalang tanong ni Angela sa mommy niya na seryosong nakatingin sa kanya. Dahan-dahan na tumango ito sa kanya at nagsalita, "Oo. May boyfriend nga ako, Angela. Sorry kung ngayon ko lang sa 'yo nasabi 'to. 'Wag kang mag-alala dahil ipakikilala ko sa 'yo ang boyfriend ko. Sorry talaga hindi ko kaagad nasabi sa 'yo."

Napangiwi na lang si Angela sa naging sagot ng mommy niya. Anim na taon na kasing wala ang daddy niya. Pumanaw na ito sa sakit na brain cancer. Naiintindihan naman niya ang mommy niya kahit paano kung maghahanap pa ito ng boyfriend o makakasama sa buhay pero hindi nga lang siya makapaniwala na may boyfriend na ito at ngayon lang niya nalaman.

Hindi kaagad nito sinabi 'yon sa kanya kaya medyo nakakaramdam siya ng pagkainis. Kung iisipin ay dapat siya ang unang makakaalam dahil sa anak siya ngunit nalaman niya ay ngayon na lang. Siguro alam 'yon ng mga kaibigan ng mommy niya. Forty-eight years old na ang mommy niya samantalang twenty five years old na rin siya. Solo na anak siya ng mga magulang niya. Hindi na nagkaroon pa siya ng kapatid.

Bumuntong-hininga si Angela at hindi na nagsalita pa ng kung anu-ano sa harap ng mommy niya. Tumango na lang siya kahit may kaunting disgusto sa puso niya tungkol sa nalaman niya sa mommy niya. Naalala tuloy niya ang daddy niya na kahit may boyfriend na ang mommy niya ay wala pa rin na makakapantay dito.

Magalang naman na nagpaalam siya sa mommy niya na pupunta muna siya sa kuwarto niya. Naisipan niya na bisitahin niya ang puntod ng daddy niya sa sementeryo. Dali-dali siyang nagbihis at bumaba para magpaalam sa mommy niya. Hindi niya sinabi na bibisitahin niya ang puntod ng daddy niya. Ang tanging sinabi lang niya ay may bibilhin siya sa drug store. Sinabi pa niya sa mommy niya na hindi naman siya magtatagal. Uuwi rin naman siya.

"Mag-iingat ka sa pagmamaneho ng kotse mo. Dapat bago sumapit ang three o'clock in the afternoon ay nandito ka na sa bahay natin. Maliwanag ba 'yon sa 'yo?" sabi ng mommy niya sa kanya na tinanguan naman niya kaagad.

"'Wag po kayong mag-alala dahil uuwi naman po kaagad ako," paniniguradong sagot ni Angela sa mommy niya.

Her mom gave her a quick nod and said, "Okay. Maliwanag na 'yon sa akin na nandito ka na bago sumapit ang alas tres ng hapon. Maghihintay ako, Angela. Ipakikilala ko sa 'yo ang boyfriend ko."

Kitang-kita sa mga mata ng mommy niya na in love nga ito sa kung sino man ang boyfriend nito. Gusto niyang malaman kung sino ang boyfriend nito. Nakalimutan niyang tanungin kung magka-edad lang ba 'to ng mommy niya. Malalaman rin naman 'yon niya mamaya.

"Sige po. Aalis na muna po ako," sabi niya sa mommy niya at tumalikod na siya para lumabas sa bahay nila at tumungo sa garahe. "Mag-iingat ka sa pagmamaneho," pahabol pang paalala ni Dina sa kanya. Hangad lang nito na walang mangyari sa kanya sa daan na hindi maganda kaya kailangan nito na mag-iingat palagi.

Binuksan kaagad ni Angela ng engine ng kotse niya para makaalis na patungo sa sementeryo. Bumili muna siya ng bulaklak at kandila na ititirik niya sa puntod ng kanyang pinakamamahal na daddy na sobrang miss na miss na niya.

Pakiramdam pa ni Angela ay kamamatay lang ng daddy niya kahit anim na taon na ang lumipas nang mamayapa ito. Masakit pa rin na isipin na wala na ang pinakamamahal niya na daddy. Kaya tama ang sinasabi ng karamihan na hindi basta-basta madaling makalimot sa pagkawala ng taong pinakamamahal mo sa buhay. Kahit ilang taon pa ang lumipas ay hindi pa rin 'yon basta-basta mabubura. Habang lumilipas ang mga araw, buwan at taon ay mas lalong nagiging masakit 'yon. Kung sa sugat ay nagnanaknak. Iyon siguro ang klase ng sugat na kailanma'y hindi magagamot ng panahon. Habang tumatagal ay mas lalong nagiging mahirap.

Sinindihan kaagad ni Angela ang kandila sa tapat ng puntod ng pinakamamahal niyang daddy. Iniligay na rin niya ang bulaklak dito. Bumuntong-hininga muna siya. Ang sumunod na ginawa niya ay taimtim siya na nag-alay ng panalangin para sa kanyang pinakamamahal na daddy. Hindi niya namalayan na may tumutulong luha na pala sa mga mata niya. Napansin lang niya 'yon nang matapos niyang mag-alay ng panalangin. Kinuha naman kaagad niya ang kanyang kulay puting panyo para punasan ang mga luhang nagpapatunay kung gaano siya nangungulila sa pinakamamahal niya na daddy.

"Sobrang miss na miss na po kita, daddy. Kung puwede ko po sana na ibalik ang mga panahon na magkasama pa po tayo ay gagawin ko po. Kahit bilhin ko man po ang pagkakataon na 'yon na magkasama muli po tayo ay handa ko na gawin. Kahit maubos ko po ang aking pera ay gagawin ko po makasama at mayakap ka pong muli nang napakahigpit. Gagawin ko po talaga 'yon kaso nga lang ay walang ganoon. Hindi naman nabibili gamit ang pera ang panahon na gusto natin na ibalik muli, eh. Kahit ano pa po ang mangyari ay wala pong makakakumpara sa 'yo sa puso ko, daddy. Ikaw lang ang tanging pinakamamahal ko na daddy sa buong buhay ko. Mag-asawa man pong muli si mommy ay hindi kayang tapatan ng magiging asawa niya ang pagmamahal na binigay mo sa akin. Hindi ka po kayang tapatan ng kahit sino pa man. Nag-iisa ka lang po sa puso ko. Alam mo naman siguro ang nangyayari ngayon. Hindi naman po sa nagsusumbong ako sa 'yo ngayon kundi gusto lang po kitang dalawin dahil nami-miss na po kita ng sobra," sabi ni Angela sa harap ng puntod ng daddy niya na nagsisimula na namang tumulo ang mga luha niya. Pinunasan na naman niya ito gamit ang hawak niyang panyo.

Siya lang naman ang mag-isa doon sa sementeryo. Napakatahimik sa lugar na 'yon na talagang malungkot ka habang inaalala ang mga masasayang alaala ng yumaong mahal mo sa buhay.

Hindi naman nagtagal si Angela sa loob ng sementeryo. Ilang minuto lang siya na nakipag-usap sa daddy niya na kahit wala siyang naririnig na salita nito ay alam niya na nakikita at naririnig nito ang mga sinasabi niya.

Fifteen minutes bago sumapit ang alas tres ng hapon ay nasa bahay na siya. Wala pa naman ang bisita ng mommy niya na boyfriend nito. Tapos na rin sa pagluluto ang mommy niya. Nakita naman siya nitong dumating na habang may kausap ito sa cell phone niya. Sumenyas naman siya na pupunta na siya muna sa kuwarto niya. Tumango naman ang mommy niya sa kanya.

Mayamaya ay tinawag na siya ng mommy niya sa kuwarto niya. Sinabi nito sa kanya na dumating na ang bisita niya na boyfriend nito. Sabay na silang dalawa na bumaba. Nakaupo ang lalaking boyfriend ng mommy niya sa couch sa sala na nakatalikod sa kanila. Hindi pa naman niya nakikita ang hitsura nito kung matanda na ba o guwapo. Habang lumalapit silang dalawa sa sala ay napakalakas ng kabog ng dibdib niya.

Napansin naman ng lalaki na boyfriend ng mommy niya na paparating na sila kaya naman ay dali-daling tumayo ito at humarap naman ito sa kanila. Laglag ang pangang nakatingin si Angela sa lalaki na boyfriend ng mommy niya. Nanlalaki ang kanyang mga mata at hindi siya makapaniwala sa harap niya. Ngumiti ang guwapong binata sa kanila at lalo na sa kanya. Napakatamis ng ngiti nito.

Humarap si Angela sa mommy niya at kinunutan ito ng noo.

"Baby, I would like to introduce you my boyfriend. His name is Edward Montero," pakilala ni Dina sa anak niya na si Angela sa boyfriend niya na bata pa sa kanya. Hindi makapagsalita si Angela sa harap nila. She could believe that her mom is having a boyfriend younger than her. Mukhang ka-edad niya ang boyfriend nito na pinakilala sa kanya.

"She's my daughter. Her name is Angela. She's nice. She's smart, and she's pretty," pakilala naman ng mommy niya sa kanya kay Edward na muli siyang ginawaran ng napakatamis na ngiti. Nagkatitigan silang dalawa dahilan upang mas lalong bumilis pa ang tibok ng puso niya.

"Hi, Angela. It's a pleasure to meet you. How are you, anyway?" malumanay na bati ni Edward kay Angela na inilahad pa ang kanang kamay nito para makipagkamayan sa kanya.

Tiningnan niya ng ilang segundo ang nakalahad na kamay nito para makipagkamayan sa kanya. Nagda-dalawang isip siya kung makipagkamayan siya sa guwapong binata na nasa harap niya. Bakat na bakat ang katawan nito sa suot nitong kulay asul na long sleeve. Halatang-halata na palagi itong nagwo-work-out sa gym sa ganda ng katawan nito.

Humarap siya sa mommy niya at sinensayan siya nito na tanggapin 'yon. Nakakahiya naman kung hindi siya makikipagkamayan sa bisita ng mommy niya. Ito pa nga ang naglahad ng kamay para makipagkamayan sa kanya. Napakagat labi siya at nagpakawala ng malalim na buntong-hininga bago nakipagkamayan sa boyfriend ng mommy niya.

Nang magkamayan silang dalawa ay para bang may kakaibang enerhiya ang dumaloy sa buong katawan niya.

"Same with you, Edward. I'm doing good," nahihiyang tugon niya. Hindi lang bumilis ang tibok ng puso niya kundi para bang nag-init ang katawan niya. Inalis kaagad niya ang kamay kay Edward at napatungo sa hiya. Hindi niya alam kung ganoon rin ang naramdaman nito matapos na magkamayan silang dalawa.

"I'm your mom's boyfriend and I hope we could get closer too," sabi pa ni Edward sa kanya. Iniangat naman niya ang kanyang ulo at pilit na ngumiti sa guwapong si Edward. Tumango lang siya at hindi na nagsalita pa dahil ang mommy na niya ang nagsalita.