Chapter 4 - Mansion

"Rhian, anak! Mabuti naman at na isipan mong umuwi dito, aba'y miss na miss ka na namin!" Bakas sa mukha ni Mang Abi ang kasiyahan ng makita niya ako.

Agad naman akong lumapit dito at niyakap ito ng mahigpit. "Namiss ko ho rin kayo, itay!"

"Oo nga pala iha, kasama ko nga pala si Sir Logan. Siya ang bagong may ari ng Villa Rocca!" pagpapakilala ni Mang Abi sa akin sa lalaking kasama nito.

Natigilan ako ng makita kung sino ang lalaking kasama ni Mang Abi. Ito ang lalaking kasama niya kagabi. Teka! Siya ang may-ari ng resort na iyon?

"M-may bisita ho pala kayo 'Tay Abi?" Pilit akong ngumiti dito. Ayoko isipin na bastos ako sa mga bisita.

Akala ko ba may urgent meeting ito kaya iniwan nya ako sa resort. Tiningnan ko ito ng masama ngunit ngumisi lang ito sa akin.

"Aba'y hindi na iba itong si Sir Logan sa amin, iha! Alam mo bang tinutulungan ako nito sa bukid. Madalas din siya dito sa mansyon lalo na kapag may mga kailangan ayusin na hindi ko na magawa." pagmamalaki pa ni Mang Abi dito.

"Nice to see you again, Rhian!" Nakangiting wika nito sa akin. Napansin kong nakasuot lang ito ng simpleng damit at short na bumagay naman sa kanya. Kahit ano na yatang isuot nito ay talagang babagay sa kanya. Mas malinaw ko ng nakita ang anking kagwapuhan nito.

Napalunok naman ako ng laway ng tila may pagnanasa itong tiningnan ang aking kabuuan. Mabilis akong nag-iwas ng tingin dito.

"Aba'y mabuti at magkakilala na pala kayong dalawa!" Nakangiting sabi ni Aling Mila.

"Nakilala ko lang ho sa Resort, Nay!" Walang ganang umupo na ako sa lamesa.

"Oh siya! Kumain muna tayo at lumalamig na ang pagkain." paanyaya ni Aling Mila sa kanila.

Tahimik lang akong kumakain habang pasimpleng nakikinig sa usapan ni Mang Abi at ni Logan. Minsan tumitingin ako sa lalaki at may pagkakataong nahuhuli ko din naman na nakatingin ito sa akin.

Madali ko ng tinapos ang aking pagkain dahil hindi ko na matagalan makasama ang lalaking iyon.

"Tapos na ho ako, Nay Mila, 'Tay Abi, akyat ho muna ako sa kwarto." paalam ko sa mga ito.

Wala ng nagawa ang mga ito ng umalis na ako. Nahiga ako sa kama ngunit mukha lang ng lalaking 'yon ang lagi niyang nakikita.

Palubog na ang araw ng mga oras na iyon. Hindi siya mapakali dahil maraming bumabagabag sa kanyang isipan.

Tumayo ako mula sa kama at kinuha ko ang aking phone na nasa loob ng aking bag.

Isang oras na akong nakatitig sa phone ngunit walang text at tawag akong natatanggap mula sa aking nobyo.

Hindi naman ito ganun dati dahil kahit gaano ito ka busy sa kanyang work ay hindi ito nakakalimot na tumawag sa akin.

Noong nakaraan, napapansin kong parang may itinatago ito sa akin. Ayoko naman magtanong sa kanya dahil baka pagsimulan pa ito ng ayaw namin lalo na at hindi naman ako sigurado sa naiisip ko.

Hindi na ako nakatiis tinawagan ko na ito. Nakailang ring pa ako bago ito sagutin.

"Hello.. Who are you?"

Magsasalita na sana ako ng marinig kong boses babae ang sumagot dito. Impossibleng secretary ito ng aking nobyo dahil ayaw na ayaw nito na may ibang humahawak sa phone nito lalo at personal phone niya ang tinawagan ko.

"Who the hell is this?" maarteng tanong ng babaeng nasa kabilang linya ng hindi agad ako nakapagsalita dahil na rin siguro gulat at pagtataka.

Pinutol naman agad ng babae ang tawag ng walang nagsalita.

Mayamaya pa ay tumunog ang ang aking phone. Tumatawag ang nobyo ko. Marahil ay nalaman niya na tumawag ako. Agad ko naman itong sinagot.

"I'm sorry babe. Si Madi ang nakasagot ng tawag mo kanina."

Napatango na lang ako bilang pagsangayon dito kahit hindi naman niya ako nakikita.

Si Madi nga pala ay nag-iisang anak ng business man at isa sa may pinakamalaking kumpanya sa Spain kung saan ang aking nobyo ay sinusubukan makuha ang pinakamalaking project mula dito.

Matagal na naming hinihintay na maapprove ang proposal namin dito. Pinag-aralan namin iyon ng matagal. Hindi ko alam bakit hanggang ngayon ay hindi parin ito naapprove gayong maganda naman ang proposal namin sa kanila. Nalugi kasi ang kumpanya ng aking nobyo noong nakaraang taon kaya malaking tulong kung makukuha namin ang project na iyon.

"Bakit ka nga pala napatawag babe? May problema ka ba? tanong naman nito sa akin.

"Wala naman, babe! namiss lang kita!"

"I miss you too, babe. May meeting kami ngayon tungkol sa business proposal. Alam mo naman na malaking project ito kaya mahirap palagpasin." wika ng kanyang nobyo sa kabilang linya.

"Yah! I know babe! Good luck.. I love you!" Wala naman akong magagawa upang matulungan ito dahil nasa Pilipinas ako. Isang buwan pa ang bakasyon ko dito at may kailangan din akong asikasuhin bago ako tuluyang umuwi ng Spain.

Napag-usapan namin ng aking nobyo na next year na kami magpapakasal at doon na maninirahan dahil nandoon ang aking trabaho at business ng aking nobyo.

Kaya pinag-iisipan kong mabuti kung ibebenta ko na lang ang aking ari-arian dito sa probinsya.

May condo naman ako sa Manila kaya kung sakaling uuwi ako ng Pilipinas ay may matutuluyan pa rin ako dito.

Pagkatapos kong makausap ang aking nobyo ay napagpasyahan kong maligo muna ulit dahil mamaya ay magikot-ikot ako sa bayan upang maghanap ng bar.

Mayamaya pa ay bumaba na din ako matapos kong maligo at mag-ayos. Wala ng tao sa sala. Marahil ay nakauwi na ang bisita ni Mang Abi. Tiningnan ko ang oras sa suot kong relo. 7:30pm pa lang pala.

Nakita ko si Aling Mila na papalapit sa akin na may dalang puting kumot. Marahil ay ilalagay niya ito sa aking kwarto.

"Nay! labas lang muna ako!" Nakangiting kong usal dito.

"Aba'y gabi na, lalabas ka pa iha?" tanong nito ng may pag-aalala.

"Mag-iikot ikot lang ho ako sa bayan! Huwag ho kayong mag-alala, malaki na ho ako at kaya ko na ang sarili ko!"

Umiling-iling ito ng mapansin ang aking suot. Naka backless dress ako nahapit na hapit sa aking baywang. Labas din ang mapuputi kong mga hita dahil maikli lang ang dress na suot ko.

"Diyos miyong bata ka! aba eh kulang na lang maghubad ka sa suot mong iyan!" Naibubulalas ni aling Mila.

Natawa na lang ako sa naging reaksyon nito. Ngayon lang kase ako nito nakitang ganun ang suot.

"Sige ho nay! alis na ho ako!" Pagpapaalam ko na dito dahil baka katakot takot na sermon na naman ang maririnig ko mula dito.

"Aba eh, mag-iingat ka iha, baka pagkaguluhan ka diyan ng mga lalaki. Kagandang dalaga eh!" Nakangiti na nitong saad sa akin.

"Si nay Mila talaga eh, binola pa ako!" Humalik lang ako dito at mabilis na akong lumabas at tinungo kung saan naroroon ang sasakyan ko.