Chapter 71 - Ang paghaharap ni Rhian at Vera

Rhian's Point of View

Ilang oras na kaming naghihintay ni Rose ngunit hindi pa rin dumarating si Zane. Hindi ko na maiwasan mag-alala para sa aking anak.

Nagdadalawang isip naman ako kung sasabihin ko ba iyon kay Logan ngunit ayaw kong mag-alala pa ito habang nasa byahe.

"Huwag kang mag-alala, ate. Hinahanap na ng matauhan ni sir, si Zane." Pagpapakalma naman ni Rose.

Pilit ko naman pinakalma ang aking sarili habang naghihintay sa update nila Brooks.

Ilang saglit pa ang dumaan nang may natanggap akong mensahe sa hindi ko kilalang numero.

Nanginginig kong binasa iyon, pagkatapos ay namumutla kong nabitawan ang aking cellphone. Muntik na rin akong matumba, mabuti na lamang at nasalo agad ako ni Rose.

"Anong nangyari sa iyo, ate? Bakit namumutla ho kayo?" Nag-aalalang tanong ni Rose.

Marahan niya akong inalalayan na maka-upo.

"Si Zane. May dumukot sa kanya, Rose." Nanginginig na saad ko habang nakatitig sa kawalan.

"Susmaryosep! S-sino naman ang dudukot sa kanya at anong dahilan niya?"