CHAPTER 2: Friend's Wish

NAGMANEHO si Erin patungo sa opisina ng Yurich Group. 

Mula nang mamatay ang kanyang ama ay tila auto-pilot na siyang nagpupunta sa opisina. Ang daddy niya ang may pinakamalaking shares at walang magawa ang board nang pumasok siya sa eksena kahit pa ilang beses na siyang nakarinig ng hindi magandang salita mula sa mga ito. 

‘Ano ang ginagawa ng modelo sa opisina natin?’ 

‘I like seeing her ass though’

Ilan lang iyon sa mga naririnig niya sa mga ito. 

Ang Uncle Roger niya ang kasalukuyang chairman matapos pagbotohan ng bagong posisyon. Hinayaan niya ang bagay na iyon dahil wala naman siyang alam sa business world, pero hindi ibig sabihin na maghihintay lang siya ng atake nito. Hindi siya pumayag na hindi mapabilang sa opisina kaya napunta siya sa advertising team bilang staff. Katulong niya ang assistant ng kanyang ama na siyang nagco-coach sa kanya sa kasalukuyan para makuha niya sa tamang paraan ang posisyon. 

Her manager always picks on her. Malamang ay utos iyon ni Uncle Roger o kaya ay ni Jenna para umalis siya sa opisina. 

Wala siyang tiwala sa Uncle Roger niya at ganoon din sa anak nitong na marketing head sa ngayon. 

It’s childish! Kaya hindi siya natinag. Sa ngayon tuloy ay kakarampot lang ang sweldo niyang twenty thousand na kailangan niya pang gamitin sa araw-araw. Wala siyang naipon sa pagmomodelo dahil kailangan niyang bumili ng skin care at mga personal na gamit. Hindi kailan man sumagi sa isip niya na kailangan niyang mag-ipon dahil anak siya sa luho ng daddy niya. Ngayon tuloy ay wala siyang magawa kung hindi ang pagtiyagaan ang sweldo sa opisina. 

May iniwan na penthouse sa kanya ang daddy niya pero hindi niya iyon pwedeng ibenta sa loob ng dalawang taon. Magiging kanya lang iyon pagkalipas ng oras na iyon. Doon siya nakatira sa kasalukuyan. 

Two years. May two years siya para maging asawa ng mga Arvesso, ngunit gagawin na muna niya ang lahat para gumawa ng paraan nang hindi dadaan sa direksiyon na iyon. Hindi siya papayag na mapunta sa Uncle Roger niya ang shares nito. 

Nabigla na lang siya nang may tumabi sa kanyang motor. Naglabas ng martilyo ang nasa likuran ng sasakyan nito at pagkatapos ay pinukpok ang kanyang side mirror.

Mariing pinindot niya ang busina habang kinakabahan. Ano ang gustong mangyari ng mga ito?

Matapos iyon ay naglabas ng baril ang lalaki at itinutok sa kanya. Nanlaki ang mata ni Erin. 

“Help!” Nagpaapalit-palit ang kanyang tingin sa kalsada at sa takot niya sa riding-in-tandem. Ginamit nito ang baril para katukin ang kanyang sasakyan. Mabilis niyang iniliko ang kanyang kotse nang makarating sa isang kalsada. Sa pagkakaalam niya ay may istasyon doon ng pulisya. 

Hindi naman siguro siya susundan doon ng motor. Umingit ang gulong ng sasakyan niya nang ihinto niya iyon sa tanggapan.

“S-saklolo!” 

Lumabas siya ng kanyang kotse. Natataranta siyang lumapit sa bungad nito. Nanginginig siya sa takot. Nilapitan siya ng pulis na naka-uniporme na naroon sa bungad. 

“Miss, ayos ka lang?” tanong nito sa kanya. 

“May sumusunod sa ‘kin!”

Nilingon nito ang kanyang pinanggalingan. 

“May riding-in-tandem na gustong manakit sa ‘kin! Binasag nila ang side mirror ko!” Nakalarawan sa kanyang mukha ang matinding takot at hindi pa kumakalma ang kanyang kalamnan. Hindi pa siya nakakabawi sa ginawa ng lalaki na tinutukan siya ng baril. 

Ini-report niya ang naganap. Maya-maya ay dumating si Assistant Mike sa istasyon ng pulis. 

“Ayos ka lang, Erin?” tanong nito. Tinawagan niya ang lalaki dahil na-late siya sa opisina. 

“Nai-report ko na ang naganap sa ‘kin kanina.” Sa kasalukuyan ay kalmado na siya. Ibinahagi niya rito ang mga pangyayari. 

“Sino ang mga iyon?” tanong nito.

Napailing siya. “Sa palagay ko ay si Uncle Roger ang may gawa no’n. Binasa na sa ‘min ang last will ni daddy noong weekend. May dalawang taon ako para maging sa ‘kin ang shares sa kumpanya. Kapag nag-fail ako ay sa Yurich Group mapupunta ang shares na ibig sabihin ay sa kanya mapupunta ang two hundred and fifty million n abahagi na dapat ay sa akin!” Naikuyom niya ang kamao pagkasabi niyon.

“Pero wala kang ebidensiya,” ani Assistant Mike

“Iyon nga ang dahilan kaya hindi ko maireklamo sa report!” Nagkikiskis ang kanyang ngipin. 

“Bakit hindi ka kumuha ng bodyguard kung naghihinala ka pala?”

Napangiwi siya. Unfortunately, wala siyang pambayad sa bodyguard! Ang panggastos nga niya sa araw-araw ay kailangan pa niyang kunin sa sweldo niyang kakarampot. Wala siyang magawa sa kasalukuyan. 

Pumasok pa rin siya sa opisina dahil wala siyang karapatan na lumiban sa trabaho. Ito ang ginusto niya. Ito ang parusa niya.

***

One year later…

“ANG VILLAVERDE na tinutukoy mo at ang Villaverde na dahilan ng pagkamatay ni Daryl ay iisa?” Nais makasiguro ni Orion kung tama ang dinig niya. Nasabi na nito na gusto nitong pakasalan niya ang prinsesa ng mga Villaverde. Ngunit ngayon lang niya napagtanto ang apelyidong iyon. Unang beses niyang narinig iyon noong araw na sabihin nito sa kanila na kapatid nila si Lily. 

Akala niya ay tapos na ang isyu. Hindi niya akalain na may karugtong pa rin makalipas ang isang taon. 

“Ibig mong sabihin ay gusto mong ipakasal sa akin ang prinsesa ni Ninong Rod? Kay Erin Villaverde?” asik ni Orion.

Anak-anakan ng Ninong Rod niya si Erin kaya magkaiba ang apelyido ng mga ito. 

“That’s right!”

“Damn it, dad!” Hindi niya napigilang magmura. 

“Lower your freaking voice, Orion! Tandaan mo na ako pa rin ang ama mo!”

Nais niyang manuntok dahil tama ito. Kahit naman papaano ay nirerespeto niya ang daddy niya. 

“Hindi ako makapaniwala noong sinabi mo sa ‘kin na gusto mong magpakasal ako. Pero lalo akong hindi makapaniwala na ang gusto mo palang ipakasal sa akin ay si Erin! Ipapaalala ko lang na ang babaeng iyon ang umakit kay Daryl! Ang babaeng iyon ang dahilan ng pagkamatay ng kapatid ko, ang dahilan kung bakit umalis ako sa opisina ng NBI!” 

Dumadama ang galit sa kanyang kalamnan habang binabalikan ang mga naganap. He despises that woman!

“Ano ang mararamdaman ni Danica kung malalaman niya na magiging sister-in-law niya si Erin?”

“Orion…” Napapagod na ang daddy niya. Kita niya sa mukha nito ang katandaan at nais na ng tahimik na buhay. “Alam ko na hindi ako naging mabuting ama sa ‘yo. Alam ko na ipinagpasalamat ko na nawala ka sa trabaho mo noon dahil bukod sa delikado iyon, wala akong ibang maaasahan para magprotekta sa mga kapatid mo.”

“Then why are you doing this?!” galit niyang tanong.

“Ramdam ko ang hiling ng kaibigan ko sa huli niyang habilin. Alam mo rin kung ano talaga ang naganap noon dahil nag-imbestiga ka.”

"Yeah, Erin engaged in flirtatious text messages with Daryl. Puro kalandian! At pagkatapos ay gusto mong maging asawa ko ang isang ‘yon?” Ngayon pa lang ay nasusuka na siya na maisip na magiging asawa niya ang babaeng nagdala sa hukay sa kanyang kapatid. 

Nagkaroon siya ng kaunting imbestigasyon noong nasa NBI pa siya. Ipinagbabawal iyon para maiwasan ang personal na interes dahil pamilya niya ang biktima, ngunit kailangan niyang gawin iyon. 

Anak ng boss niya ang isa sa mga itinuturong pangalan at kumikilos din naman ito para mailigtas ang seventeen-years-old nitong anak. 

Right! Puro menor-de-edad ang mga pangalang lumitaw dahil menor-de-edad din ang kapatid niya at siyempre pa ay magulang ng mga ito ang mananagot. Itinuro ng lahat si Erin bilang pangunahing suspek ngunit alam ni Orion na ginalaw ang mga ebidensiya. Gayunman ay hindi pa rin sapat iyon para hindi siya mamuhi sa babae. Inakit pa rin nito si Daryl. 

“Come on! She’s just seventeen at that time,” wika ni Mr. Arvesso. 

“Iyon nga ang nakakasuka sa parteng iyon! Seventeen lang siya noon at napakalandi na niyang mag-text kay Daryl.” Malamang ngayon ay kung sino-sino na ang gumalaw sa babaeng iyon! 

Naiiling na lang siya. Naaalala niya ang mukha ni Erin, ang seventeen na si Erin Villaverde. How old is she now? Twenty-three? Twenty-four? Hindi nalalayo ang edad nito kay Danica at Daryl. 

Si Erin ang tipo ng babae na mukhang bully sa school. She’s a cheerleader, a popular. Hindi kataka-takang pinagtripan nito si Daryl, ang kapatid niyang may makapal na salamin, payat at talagang matinding na-in love sa babae. 

Higit sa lahat nagawa ni Daryl na gamitin ang kotse niya nang walang paalam! Kaunting-kaunti na lang ay nais na niyang manapak. 

He was twenty-seven at that time, and he despised her physical appearance. Nene ito sa bokabolaryo ng mga babaeng tipo niya. But how about now? If she’s twenty-four, she’s definitely far from that high school student. 

"O, the reason I propose you marry Erin is because of the financial benefits you two would gain. Sa akin ibinibilin ng daddy niya ang shares sa kumpanya sa loob ng dalawang taon. Walang makukuha si Erin kung hindi siya papayag na magpakasal sa ‘yo. After one year, ngayon lang niya napagdesisyunan na pumayag sa kasunduan dahil sa palagay ko ay nasa dulo na siya ng kanyang katinuan.”

“What do you mean?” tanong ni Orion.

"She's facing difficulties due to not receiving any financial support from Rod. I wish I could be happy about this turn of events, but I can't. I received this email from her dad na ngayon ko lang nakita.” Iniabot nito ang printed copy ng email ng Ninong Rod niya. 

Nanlaki ang mata ni Orion matapos basahin ang sulat. “You... You mean?”

Tumango ang daddy niya. “Yes!”

***

“I’M HERE to meet Mr. Niel Arvesso?” ani Erin sa receptionist ng hotel kung saan tumutuloy ang lalaki. 

“Naibilin na po kayo sa akin.” Iniabot nito sa kanya ang isang card. Tumuloy na lang po kayo.

Tumango si Erin bago lumayo sa babae. Nagtungo siya sa elevator at pinindot ang floor kung saan siya pupunta. Kumakabog ang kanyang dibdib sa kaba. 

Makapal ang mukha. Iyan siguro ang nasa isipan ng mga Arvesso.

Ginamit niya ang card para pumasok sa pintuan. 

Kumakabog ang dibdib niya nang makita ang lalaking nakapamulsa at nasa labas ng floor-to-ceiling window ang tingin. 

Nilingon siya ng mapanuri nitong mata matappos marinig ang kanyang pagpasok.

Nanginig siya sa takot. ‘Is he Daryl? No, Orion!’