CHAPTER 8: His Plan

‘THIS is absurd!’

Nais maasar ni Orion sa sarili niya habang pinagmamaneho si Erin papunta sa penthouse nito. Wala sa plano niya na mapalapit kay Erin beinte-kuwatro oras! He should be angry to this woman! Nagkikiskis ang kanyang ngipin dahil sa galit. Nagagalit siya sa sarili niya, kay Erin at sa marami pang dahilan. Nagagalit siya sa babae ngunit hindi niya mapigilan ang bumubugso niyang damdamin at ang mainit na lumulukob sa kanyang pagkatao para rito. 

Kailangan  niyang pigilan ang sarili para hindi siya mahirapan na umalis sa poder nito kapag dumating ang palugit nito sa will.

Nang huminto ang sasakyan sa tapat ng gusali nito ay hindi na niya ito nilingon pa. 

“Get out!” aniya. 

“What?” Halatang nabigla si Erin.

“Pupuntahan kita. May pupuntahan lang muna ako.”

“Anong oras ka babalik?”

“You are not my wife yet, Erin! Pupuntahan kita kapag ayos na ang gagawin ko. Please, get out of this car."

Hindi na ito nag-usisa pa at bumaba na lang ng sasakyan. Gayunman ay halatang nabigla ito sa inaakto niya. Pinaharurot niya ang kanyang van nang mawala ang babae. Galit na hinampas niya ang manibela dahil wala siya sa tamang katinuan. 

Nagpunta siya sa bahay ng kaibigan na si Marco. Kung hindi sa bahay ni Drew ay dito ang kanyang punta. May mga bagay na kay Marco niya ibinabahagi ang ilang bagay dahil ito ang matalik niyang kaibigan. May mga pagkakataon naman na kay Drew siya kumukunsulta ng problema. Ipinarada niya ang sasakyan na mainit pa rin ang ulo. Nais niyang balikan si Erin kaya lalo siyang naaasar. 

Hindi nag-iisa si Marco sa loob ng bahay nito. Kasama nito ang isa pa sa mga kaibigan nilang si Carla. 

“Orion!” Agad na tumayo ang babae at saka lumingkis sa kanya. 

Napangiwi siya nang maamoy ang matapang nitong pabango. Ang babae ang kaisa-isang ex-girlfriend niya sa loob ng mahabang panahon na nabuhay siya. Naging nobya niya ito noong kolehiyo sila ni Marco kaya matagal na silang magkakaibigan. 

Thirty-two ang edad nito at may isang anak na dose anyos. 

Ang babae ang dahilan kaya hindi siya nagkaroon ng karelasyon sa loob ng mahabang panahon. Nawalan siya ng tiwala na pumasok sa relasyon matapos niya itong mahuli na nagloko sa kanya. At pagkatapos nga niyon ay nalaman na lang niya na buntis na ito habang nobyo pa siya ng babae. Nabuntis ito sa edad na disinueve. Makalipas lang ang ilang buwan ay umalis ang lalaki at iniwanan si Carla na buhayin nang mag-isa ang anak. 

“I miss you, O!” ani Carla na iginiling pa ang sarili.  

Nagkibit siya ng balikat. Maraming pagkakataon na hiniling ni Carla na magkabalikan sila dahil naniniwala ito na mahal niya pa ang babae. Patunay daw na wala siyang naging girlfriend sa loob ng maraming taon. Ngunit hindi iyon ang talagang rason ni Orion. Wala na siyang tiwala sa pakikipagrelasyon. 

Ayaw niyang matulad sa kanyang ama na napabayaan siya dahil sa sobrang abala nito sa trabaho. Nagkaroon pa ito ng marami pang babae at natatakot siya na matulad kay Mr. Niel Arvesso. Ayaw niya rin na magkaroon ng ikalawang Carla sa buhay niya. 

“Why are you here?” tanong ni Marco. “Hindi ba’t pupunta ka kamo sa Yurich?”

“Galing ako do’n! Natapos na ang meeting,” paliwanag niya na umupo sa sofa.

“Nang ganyan ang suot mo? Naka-leather jacket at maong? Mabuti at hindi sila nagduda sa ‘yo?” ani Marco.

“Meron ka bang kape?” tanong niya, pag-iiba sa usapan. Ayaw na muna sana niyang pag-usapan ang mga naganap sa opisina. 

“Ako na ang kukuha! Gusto ko rin magtimpla para sa akin.” Tumayo si Carla at nagtungo sa kusina. Sanay na sila sa bahay ni Marco na madalas nilang tambayan. 

“So, what happened? Natuloy ba ang plano mo na dalhin si Erin sa opisina nila?”

Dahil dadalawa lang naman sila doon ay ipinaliwanag niya kay Marco ang mga rason niya. “Yes, tulad ng nasabi ko na sa ‘yo, ipatitikim ko lang sa kanya ang isang taon sa kumpanya para kung sakali na dumating ang isang taon ay mas lalo siyang masaktan. I have the power to marry her, but that was the last thing on my mind.”

“You mean, wala kang plano na magpakasal sa kanya at sundin ang will?” kuryosisdad na tanong ni Marco.

“No. Wala naman akong mapapala sa pagpapakasal ko sa kanya kaya bakit ko gagawin?” 

‘Uhm, you will be her husband?’

“Hindi ako interesado sa pera ng mga Yurich. My goal is to hurt Erin. Bago dumating ang ibinigay na palugit sa kanya ay aalis ako ng bansa. She will not get the company she desires.”

“Kung gano’n, bakit ka magpapanggap na bodyguard niya?”

"To appease my dad and keep an eye on her. Ayoko ng kakalat-kalat siya sa kung saan-saan bilang fiancée ni Orion Arvesso.” Kahit papaano ay dala nito ang pangalan niya sa loob ng isang taon. 

“How about your dad? Hindi ba’t siya ang may gusto nito?”

Ang may gusto talaga na bantayan niya si Erin ay ang Ninong Rod niya. Iisipin na lang niya ang kanyang kapatid na si Daryl para hindi siya makonsensiya. 

"What about Dan? What about Daryl? Sinaktan niya si Danica, niloko at pinagtripan niya ang kapatid kong si Daryl." 

“Damn! Hindi ko akalain na aabot ka sa ganito, O!”

"Firstly, learning that Erin is set to become her sister-in-law would cause Danica profound distress. Secondly, I despise that woman even more as a potential wife. I'll ensure that this becomes her payback." 

 Kung tutuusin ay nahihirapan nga siya. Nagagalit siya kay Erin ngunit naaawa siya rito at inaatake ang libido niya sa presensiya nito. Hindi niya alam kung mapagtiisan niya ang isang taon na hindi madilaan ang binti ng babae. Naiiling na lang siya. 

Nilingon nila si Carla na nakabalik na. Agad nilang iniba ni Marco ang usapan. 

Matapos ang isang oras na pamamalagi sa bahay nito ay umalis din siya para puntahan si Erin sa penthouse ng babae. Ngunit natagpuan niya roon ang hindi nakikilalang lalaki na tila anak ng Diyos at hindi niya iyon nagustuhan. Patunay iyon sa pagkatao na mayroon si Erin.  

***

ERIN looked confused when Orion told her to leave his car.

Hindi niya alam kung ano problema nito at nais niyang maasar. Kung iiwan lang din pala siya ng lalaki, sana ay tumuloy na siya sa bahay ni Zach. 

Bago pa siya pababain ni Orion ay pinadalhan niya na ng mensahe si Zach na dalhin ang mga gamit niya sa kanyang tirahan dahil ayaw niyang dalhin si Orion sa bahay nito. 

Ayaw niyang madagdagan ang abala kay Zach kung doon sila tutuloy ni Orion. Mabuti na nga lang at nagkaroon na siya ng kuryente noong isang araw pa. 

"So, you're the new chairman of Yurich?" tanong ni Zach habang nakaupo ito sa couch. May dala itong pagkain at wine para i-celebrate ang kanyang pagbabalik sa Yurich.

“Effective today!” proud niyang tugon. 

“At kailan ka naman planong pakasalan ni Orion Arvesso? I mean napag-usapan n’yo na ba ang tungkol do’n?”

“Not yet. Inuuna pa lang namin ang mga kaganapan sa opisina.”

“Sayang! Plano ko pa naman sanang bilhin ang kontrata mo doon sa agency dahil gusto kitang gawing modelo sa ilang advertisement ng ilang kliyente ko. I genuinely believe it would have been a worthwhile investment. Your impressive bio speaks for itself, you know?”

Nalungkot siya dahil nais niyang makatulong sa kaibigan. “Kailangan kong mag-focus sa opisina. Kapag tuluyan nang nalipat sa pangalan ko ang mga shares, kailangan ko rin mag-focus bilang businesswoman kaya hindi rin muna talaga ako makakatanggap ng modeling commitments sa ngayon. I’m sorry, Zach.” 

Nagkibit ito ng balikat. 

May tumatawag sa kanyang intercom kaya tinungo niya ang lugar ng telepono. 

“Ma’am, may bisita po kayo. Orion Arvesso po, nobyo n’yo daw po siya,” anang guwardiya sa kabilang linya.

Namula ang kanyang pisngi, hindi niya mapigilan. Masarap sa pandinig na tawagin na nobya nito. 

“Paakyatin n’yo na lang po siya kuya. Pasensiya na kung hindi ako nakapagbilin.”

“Wala po ‘yon!”

Ilang saglit lang ay dumating si Orion na may bitbit na bag. “Kinuha ko lang ang ilang gamit sa bahay.”

Nakakunot ang noo nito nang makita si Zach na prenteng nakaupo sa sofa. Pinagmasdan nito ang masarap na cake at wine sa center table at pagkatapos ay tiningnan silang parehas. Nagkamot siya ng ulo. 

“He’s my friend, Zacharia Lopez,” aniya kay Orion.  

“Does he have a key to this place?” tanong ni Orion na pinagtaka ni Erin. 

Paano nito nalaman? Ang totoo ay ibinigay niya ang susi ng penthouse kay Zach dahil may kinuha ito noong weekend sa kanyang penthouse. Siniguro rin nito na nagbalik ang kuryente niya habang nakipag-meeting siya kay Orion. Sa ngayon ay hindi niya pa iyon nakuha. 

Tumaas ang sulok ng labi ni Zach. “I do. I can come and go.”

“Mas makabubuti sana kung ibabalik mo ‘yon kay Erin,” ani Orion, matigas ang panga. 

"Why? Erin gave it to me," Zach replied with a hint of defiance in his tone. 

Pinandilatan niya ang kaibigan. 

“Ayoko lang na may basta-basta magpupunta rito. I will live here, at hindi ako komportable na makakita ng ibang tao.”

Zach seemed intent on testing Orion; at least, that's what Erin believed. 

Ngunit tila nabingi siya sa sinabi ni Orion na doon ito titira sa kanyang penthouse. Sa huling pagkakatanda niya kasi ay hindi pa sila naikakasal.