KABANATA 6

Hindi alam ni Jade pero tumagos sa kanya ang sinabi ni Jared noong meeting na iyon. Hindi na siya nagsalita pa habang nasa dinner. Sobrang kumikirot ang kanyang dibdib ng mga oras na iyon at ni hindi na siya gumagalaw para lang hindi tumulo ang mga nagbabadyang luha sa kanyang pisngi. Hindi siya makapaniwala sa sinabi ng lalaki. Ganoon ba siya nito kaayaw? Bakit parang pakiramdam niya iniisip nitong hindi siya apektado? Pareho lang naman silang naiipit sa sitwasyon, ah. Hindi niya rin naman ginustong magpakasal sa lalaking ni hindi niya kilala pero para sa pamilya niya, gagawin niya.

Natapos ang dinner na iyon nang hindi kumikibo si Jade. Ni wala siyang naintindihan sa mga sinasabi ng mga matatanda. Miski si Jared ay hindi na rin umimik pa pero ramdam na ramdam niya ang pagkadisgusto ng lalaki sa usapan.

Nang pauwi na sila ng kanyang pamilya, nagkatinginan pa sila ni Jared. Agad na bumulusok ang kaba sa kanyang dibdib. There was something in his stares that was making her scared ev