Chapter 10

Lunes ng umaga ay napagpasyahan kong ihatid si Avi sa kanyang paaralan. Wala lang, gusto ko lang maglakad-lakad tutal at wala akong klase sa umaga dahil nagkaroon ng emergency meeting ang mga professor namin.

Salita nang salita si Avi. Ang dami niyang kwento kaya kahit na hindi na ako magtanong tungkol sa kanya ay kilala ko na siya. Umagang-umaga pa lang ay parang wala na akong lakas dahil sa ingay niya. Hindi ko rin maiwasan ang hindi maalala ang aking kapatid na naiwan doon sa bahay namin.

Bisitahin ko kaya siya sa susunod na linggo?

"Dito na ako Ate Cassandra. Salamat sa paghatid!" aniya saka niyakap pa ako.

Hinaplos ko ang buhok ni Avi. "Galingan mo sa klase."

"Of course! Kailangan kong magkaroon ng matataas na grade para makapag-aral ako sa Harvard sa College!"

Natawa ako sa sinabi niya.

Pagkatapos kong maihatid si Avi sa kanyang paaralan ay napagpasyahan kong mag-agahan na lang dito sa labas. Wala na akong stock sa apartment. Maggogrocery na lang ako pagkatapos ng klase ng mga k