Chapter 5: That Day

ANICA

"Good luck on your first day!" Masayang sabi ni kuya Art bago ako bumaba. "Thank you kuya. Magcocommute na lang ako pauwi mamaya." Pagpapaalala ko.

"Sure Ani. You know what to do in case something doesn't go right okay? May tiwala ako sayo. Go on. Mamamalayan na lang natin

dumating na yung araw na lalakad ka na palabas ng school na yan ng nakatoga at hawak yung diploma mo."

Did I mention na ang galing magmotivate ni kuya Art? Effective eh, legit.

"Bye kuya! Ingat sa pagdrive." Saad ko ng makababa at isara yung pinto ng kotse ni kuya. Nagmaneho na siya paalis at saka naman ako humarap sa malaking gate ng school.

"Well, time to focus. Kaya mo yan self. Oo kaya mo yan!" Bulong ko sa sarili at naglakad na papasok. Buti na lang pwede mag flats. Hindi masyadong matunog pag naglalakad ako.

Pataas na 'ko ng hagdan ng may makita akong pamilyar na likod. Oo yung likod niya yung pamilyar, nakatalikod eh.

Binilisan ko yung lakad ko para mahabol ko siya at mahina ko siyang kinalabit ng makalapit ako kaya napatingin siya sa'kin.

Ngumiti ako sa kanya bago nagsalita. "Hi Rain!" Masaya kong bati.

Naramdaman kong parang may kuryenteng dumaloy sa braso ko ng mahawakan niya yung kamay ko at inalis yung pagkakakapit nun sa braso niya.

Napatigil rin siya at parang ganun rin yung naramdaman.

"Ikaw pala. Anica right?" Tanong niya na tinanguan ko lang. "Sabay na tayo pumunta sa classroom, magkaklase rin naman tayo." Aya ko sa kanya.

"Sige."

Sabay kaming naglakad sa corridor at pinagtitinginan na siya agad.

"Miss VP sino siya?"

"Hala ang gwapo naman yata?"

"Transferee yan sa STEM"

"Mommy ba't ang pogi niya?"

Napansin kong napayuko na si Rain dahil na rin siguro sa mga sinasabi ng mga estudyante. Kaya buti na lang at nakarating na kami sa classroom.

Pagliko ko palang para makapasok, bumungad na si Fio. "Anica!"

Napatakip naman ako sa tenga ko at napairap. "Alam mo ikaw pag nabingi

talaga 'ko ikaw sisisihin ko." Sabi ko sa kanya.

"HAHAHAHAHA, nga pala, sino siya?" Tanong niya at inginuso si Rain na umupo sa tabi ng bintana at saka tumulala.

Anime Main Character ka ghorl? Choz.

"Rain Romero, transferee." Maikli kong sagot at umupo na sa tabi ni Fio sa may matatamaan ng hangin ng electric fan.

"Ay transferee? Okay sige. Sasali kaya yun sa bball team?" Tanong niya ulit.

"Tanungin mo kaya siya? Di naman yan nangunguha ng buhay." Saad ko. Nakakuha tuloy ako ng mahinang batok mula kay Fio. "Hinahanap ka nga pala nung crush mo kanina. Ang aga naman kasi ampotek, ano yun ala sinco palang andito na siya?"

Natawa naman ako sa sinabi ni Fio. Si Aries naman kasi, literal na early bird. Pag may nakaset na oras dumadating siya an hour before. Hindi lalampas sa tatlong beses siya nalelate.

"Miss ata ako agad char HAHAHAHAHA me when I'm a clown. Kami kasi assigned readers sa Flag Ceremony ngayon kaya na rin siguro ako nun hinahanap. Punta na muna tuloy akong SO office." Saad ko kay Fio.

"Sige. Ingat sa hagdan, baka matapilok ka na naman." Natatawa niyang paalala kaya pabiro ko ngang sinuntok.

Lumabas na nga ako ng classroom at saka dumiretso sa SO office. Palapit palang yung kamay ko sa doorknob ng bumukas na yung pinto.

"Oh? Ate Anica! Good morning!" Sobrang siglang bati sa'kin ng SO secretary namin. Yinakap pa nga ako hanep.

"Good morning din, si Aries nasa loob?" Tanong ko. " Opo ate. Nasa loob na rin po yung ibang officer." Paliwanag niya at saka na kami pumasok pareho at napatingin sa'min yung ibang nasa loob.

"Good morning Ate Anica!" Masigla rin nilang bati. Ngiti lang ang sinukli ko sa kanila. "Good. Let's wait a bit more for the other officers." Sabi sa amin ni Aries. Dahil nga sa unang araw ng klase ngayon, may pasabog ang SO.

Mamimigay kami ng positivity notes sa mga estudyante na nakalagay sa envelopes. Everyone knows how stressful school can be kahit anong grade ka pa. Pag aaral yan eh.

Sa elementary, mamimigay kami ng keychains and sa Junior High abot College, dun na yung positivity notes that will hopefully help them.

15 minutes bago magbell, bumaba na kami ni Aries at pumunta sa may stage dahil nga sa kami ang assigned readers ngayon.

"Nervous?" Tanong niya bigla. "Slightly? Joke hahaha, I'll just think of doing my best kahit

magbabasa lang ako." Sagot ko at saka ngumiti. "Ikaw ba?" Tanong ko rin sa kanya.

"I'm doing this with you so not that much."

Hindi na 'ko nabigyan ng oras para magreact pa sa sinabi ni Aries dahil nagbell na at kinuha na namin pareho yung clear notebook.

Tamang hinga lang malalim kasi sa hindi ko malamang rason, ang bilis na naman ng tibok ng puso ko at sigurado akong hindi 'to dahil sa nasa tabi ko si Aries o ang atensyon ng karamihan ng estudyante sa university ay nasa'min.

Kinakabahan ako at hindi ko alam kung bakit. Sanay naman akong magbasa sa podium na 'to rito sa stage kaya 't sigurado akong hindi 'to yung rason.

Habang nagbabasa si Aries, rineady ko naman yung sarili ko dahil ako yung maglelead sa Student's Pledge.

Pagkalipas nga ng ilang minuto, ako naman ang magsasalita.

"Please raise your right hand properly and repeat after me." Saad ko habang nakatingin sa mga estudyante at saka nagsimulang basahin yung pledge.

Pagkatapos, nagbasa lang si Aries ng ibang announcement at doon na lumabas yung ibang SO officers na namigay na nga ng pasorpresa namin sa mga estudyante habang may tugtog namang nagplay sa mga speaker sa school, para pasiglahin sila.

Nauna na si Aries na umalis sa backstage pagkababa namin at tumulong sa pagbigay ng makaramdam na naman ako ng kung ano kata napahawak ako sa pinakamalapit na upuan.

Para akong nahihilo.

'Mommy! Mommy look oh! I received a letter from my teacher!'

'Ate! I received my first paycheck na!'

Napahigpit yung hawak ko dun sa upuan habang nakahawak naman sa sentido ko yung isa.

Mommy? Ate? Ano yun? Huh? Hutdog.

'Anna! Andito na kami.'

'Alam mo, ang swerte mo sa kanya.'

Lumala lang yung pagkahilong naramdaman ko hanggang sa napaupo na 'ko sa lapag.

"Ms. Melendez? What's wrong?" Rinig kong tanong ng isang teacher na hindi ko na nagawang sagutin dahil sa bigla na lang akong napahiga at ang huli kong narinig ay ang boses sa utak ko.

'You weren't supposed to marry that guy.'

RAIN

"Fio! Dinala sa clinic si Anica!"

Hindi naman Fio ang pangalan ko pero hindi ko alam kung bakit napatingin rin ako sa direksyon ng nagsalita.

Nasa classroom na kami at naghihintay na lang sa class adviser namin ng biglang ganun yung sinigaw nung isa naming kaklase.

Napatingin naman ako sa kaklase naming isa, yung Fio ata yung pangalan at agad na lumabas ng classroom ng walang paalam sa kahit kanino.

Anica? Yun yung babaeng dinala ko rin sa clinic nung isa diba? Tapos yung babae rin na sinabayan ako sa paglakad kanina.

Sumakit na naman kaya ulo niya?

Napabuga na lang ako ng hangin at saka tumingin sa labas ng bintana. Mainit na. Nagparamdam na yung araw.

Bago pa man mapalalim yung iniisip ko na hindi ko rin alam kung ano, may narinig na naman akong nagsalita.

"Hi. May nakaupo ba diyan sa tabi mo?"

Napatingin naman ako sa katabi kong upuan. Halata namang walang nakaupo eh, wala rin namang nakalagay na bag o pangalan.

"Wala." Sagot ko.

Kagaya nga ng inaasahan, dun siya umupo. "Baguhan ka rin dito?" Tanong niya ulit. Tumango lang ako at naisip ko nang magpapakilala siya.

"Oh? Same. Nice to meet you. The name's Kira."

Pagkasabi niya n'on ay wala sa sarili akong napatingin sa kanya at saka napansing nakangiti siya at nakalahad yung kamay.

Why does she seem so familiar eh ngayon ko lang nga 'to nakilala?

"Rain." Tipid kong sagot at saka nakipag kamay sa kanya.

Ibinalik ko ulit yung atensyon ko sa labas ng bintana at maya maya pa, dumating na yung adviser namin at yung kaklase naming si Fio pati si Anica.

Sinundan ko ng tingin si Anica at napansing may ointment sa sentido niya.

So her head really did ache again.

"Sino sila?" Tanong ni Kira. Nakatingin rin pala siya dun sa dalawa at hindi naman sa'kin nung tinanong niya yun.

"Kilala mo na sila?" Tanong niya pa sabay tingin sa'kin. Buti na lang at hanggang balikat lang buhok niya at hindi ako nito nasampal o kung ano.

"The guy's Fio, the girl's Anica." Simpleng sagot ulit na tinanguan lang niya.

'Fio? Ba't pamilyar?' rinig kong bulong niya pero siguro sa sarili niya na lang yun kaya di ko na pinansin pa.

Maya maya pa, nagsimula na yung orientation at dumating na nga yung oras na kailangan namin magpakilala.

Oo, kami nitong katabi ko kasi pareho kaming baguhan. Nagkatinginan pa kami at pinauna ko na siya.

"Good morning, everyone. The name's Kira. Kira Simenco." Sabi niya at saka ngumiti sa mga kaklase namin.

"Nice to meet you, Kira." Rinig kong tugon nung adviser namin at saka naman tumingin sa'kin. Umayos ako ng tayo at saka nagsalita.

"Rain Romero." Yun lang sinabi ko at saka tumango sa adviser namin.

"They're the transferees in this class. Again, nice to meet both of you, Kira and Rain. Sakto pa magkatabi kayo. You may be seated now." Sabi niya sa'min kaya umupo na kami pareho nitong katabi ko.

Nagsimula na yung orientation na akala ko isang buong araw ang kailangan. Pero hindi naman pala dahil pinaikli na ng adviser namin yung misming orientation dapat at yung mga importante lang talaga ang sinabi niya.

"That reminds me," Saad niya. "Kira and Rain, here are the list of clubs in the SHS Department. You may fill out that form and give it to me this afternoon at the faculty room." Pagtatapos niya.

Ako na yung lumapit at kumuha dun sa dalawang papel. Linagay ko yung isa sa ibabaw ng mesa ni Kira at saka umupo ulit.

"Thank you." Rinig kong bulong niya pagkaupo ko pero hindi ko na pinansin.

"Oh? May Performing Arts and Sci-Techs sila dito? Cool!" Masaya niyang sabi habang nakatingin sa lista.

Tapos na kasi yung orientation kaya nagkakanya kanya na yung mga estudyante habang hinihintay na mag lunch break na.

Napatingin na rin ako sa lista na nasa mesa ko at saka pumili. One main, one service.

Okay.

Nakuha agad ng SHS Band yung atensyon ko at ng School Publication.

Hinanap ko na yung ballpen ko sa bag at ng mahanap ko yun, nagsulat na rin ako dun sa form. Habang nagsusulat, kita ko sa gilid na nakatingin si Kira.

Tinapos ko na yung sinusulat ko at saka tumingin rin sa kanya.

"Are you the silent type?" Tanong niya.

Kanina pa siya tanong ng tanong, to be honest.

"Depends on what you think." Sagot ko at saka linagay yung form sa isang notebook at sumandal ulit sa upuan ko.

"You're quite the mysterious type."

Pagkarinig ko sa sinabi niya, para yung nagecho sa utak ko. Ay teka, hindi nagecho.

Parang narinig ko na yun.

'I must say, Mister someone-I-just-met, you're quite the mysterious type.'

Saglit akong napapikit ng marinig ko yun. Pero hindi ko yata dapat yun ginawa, dahil sa pagpikit ko, may nakita akong babaenh nakasuot ng damit ng mga babae noon sa ibang bansa.

She was smiling and looking at.. me?

"Rain? You okay?"

Naimulat ko ulit yung nga mata ko ng marinig yung boses ni Kira. Nagpanggap akong parang walang nangyari at saka na siya hindi kinibo at sinuot na lang yung earphones ko.

That was some daydream.

Maya maya pa, saktong natapos na yung kantang nagplay at narinig kong nagbell na.

Tumayo na 'ko at saka sinuot yung bag ko. Bago ako nakalakad paalis, napansin kong nakasubsob yung ulo ni Kira sa mesa.

Tulog yata.

Ilinibot ko yung tingin ko sa classroom at sakto namang nakita ko si Anica na may sinusulat pa sa notebook niya.

Naglakad ako palapit sa kanya at para na naman akong nahihilo. Pumikit ako saglit at saka huminga ng malalim at iminulat ulit ang mga mata ko.

Pero kada hakbang ko palapit kay Anica, parang nagpapalit palit ang nasa paligid ko.

Isang segundo ang nakikita ko para akong nasa makalumang kainan. Yung kainan sa ibang bansa na ang disenyo ay hindi kagaya ng disenyo sa panahon ngayon.

I see smoking kettles, men chatting with beer in their hands and ladies giggling with each other.

At sa sumunod na segundo naman ay yung classroom namin.

Ng makalapit ako kay Anica, agad siyang napatingala sa'kin at panandalian ring nagbago yung itsura niya.

Napapikit pa 'ko bigla dahil ang nakita ko ay isang babae na parang alon ang buhok at may suot na sumbrero, may puting gloves sa kamay, at quill pen pa ang gamit na panulat.

"Rain? What's wrong? Do you have something to ask me?"

Napatingin ulit ako kay Anica at hindi na yung babae kanina ang nakita ko. Nakauniform na siya ngayon at nakatingin sa'kin habang hawak yung G-tech niyang ballpen.

Tinignan ko lang si Kira at mukhang nakuha naman niya ang ibig kong sabihin at naglakad na 'ko palabas ng classroom.

That was a weird daydream. Isip ko habang naglalakad sa corridor.

It was almost as if that had already happened.