Chapter Eleven

Bit-bit ang kanyang duffle bag, isang mapait na ngiti ang bumahid sa kanyang labi habang inihahakbang ang mga paa papunta sa daungan ng mga bangka.

Kasama niya si Emily na halata sa mukha ang pag-aalala habang nakasunod sa kanya.

"Ayos ka lang ba talaga, Serie?"

Tanong ulit nito. Pangatlong beses na yata iyon.

Wala siyang itinago rito. She told her everything she heard and saw last night at the resort.

Kaya naiintindihan nito kung bakit imbes na bukas, ngayon siya babalik ng Manila.

Bumaling siya rito at pinilit na ngumiti.

"Huwag kang mag-alala. Ayos lang talaga ako. Sa simula palang naman wala na akong inaasahan sa amin ni Dylan. Hindi ba at plano ko na talagang iwan siya bukas at hindi na makipagkita pa sa kanya kahit na kailan?"

"Kung ganoon, bakit kailangan mong umalis na ngayon kung bukas pa ang plano mo? It's because, you're affected. Hindi mo iyon maikakaila, alam kong gusto mo siya."

She licked her lips. "Hindi ko naman iyon ikinakaila. Hindi ko ibibigay ang sarili ko sa