CHAPTER 34

It's been a week since her cousin's birthday. Ngayon ay kasalukuyan siyang naghahanda ng mga gamit ni Thunder. 'Yong mga importanteng gamit lang nito dahil may mga outfits naman na ito na susuotin sa photoshoot nito ngayong araw.

"Okay na 'tong maleta?" tanong ni Theo sa kaniya nang maisara niya ang maleta. Tumango siya rito at luminga pa sa kwarto para tingnan kung may nakalimutan pa siya. Halos puro accessories lang naman ang dinala niya, incase na makulangan siya sa ayos ng binata mamaya.

Lumabas na sila ng agency at dumeretso sa parking lot. Nakaandar na ang makina ng executive van kaya sigurado siyang naroon na si Thunder at nakaupo.

Sumakay siya sa harapan dahil iniiwasan niya ang binata at alam niyang tuluyan na itong galit sa kaniya. She didn't give him an answer that night. She just shut her mouth and left him there alone.

Ramdam niya ang sulyap ni Theo sa kaniya, marahil na nagtataka ito kung bakit dito siya umupo sa harapan. Lagi kasi siyang nasa likod ng upuan ni Thunder.