KABANATA 2

THIRD POV

Napapunas si Zander sa kanyang noo ng tumagaktak ang kanyang pawis. Nandito sila ngayon sa farm kasama ang kanyang mga kapatid. Nagbubuhat sila ng mga naaning palay.

"Ser! Sabi ko naman po kasi sa inyo kami na po ang bahala dito. Boss po namin kayo tapos kayo pa po ang gumagawa niyan." Napatingin siya sa isa sa mga magsasaka na nagsalita. Nakaharap ito kay Finn.

Hindi niya na ito pinansin at nagpatuloy na sa pagbubuhat ng sako ng bigas at paglipat ng mga ito sa forward track.

"Kami nang bahala dito. Nagkusa kami sa pagtulong. Hindi porket na boss kami ay hindi kami tutulong." Sagot ni Finn.

"Ay sige po sir pasensiya na po. Balik na po ako doon." Sabi niya bago umalis.

Napailing naman siya ng makita binatukan siya ni Matias. "Anong nagkusa? Kasalanan mo talaga to! Ikaw kasi kung di ka nakita ni nanay na nakikipaglaplapan sa babae mo hindi kami madadamay dito."

"Eh kasalanan ko ba na pinagtakpan niyo ako? Atsaka bihira na nga lang ang magaganda dito palalagpasin ko pa? Chicks yon bro." Sabi ni Matias.

Kahit kailan talaga babaero. Saad sa sarili.

"Magkakapatid tayo kaya malamang pagtatakpan ka namin. Chicks? Hindi ko alam na pumapatol ka na pala sa sisiw." Seryosong saad naman ni Caleb.

Lumapit naman si Matias kay Caleb upang yakapin ngunit sinikmuraan lamang siya nito. "Ouch! Bro, sinaktan mo ang aking damdamin. Masakit yun. Hindi ka marunong mang appreciate ng maganda." Nasasaktang sabi nito sabay baling kay Ryder. "Bro, suntukin mo nga si Caleb." Sabi nito ngunit hindi siya pinansin ni Ryder na nagbubuhat din ng sako.

Napasimangot naman si Matias dahil doon. "Kahit kailan talaga si Ryder snobber. Sa gwapo kong to. Inisnob niya." Bumaling ito kay Zander. "Bro aming panganay! Nandito ka ba para tulungan ako? Kami?" Ngiti-ngiting sabi nito. "Sabi ko na nga ba hindi mo talaga ako mat--"

Tinignan niya ito ng masama. "One more word Matias Jose we'll leave you here."

Napatikom naman ng bibig si Matias at lumapit kay Finn. "Geez, nag-English na si kuya Zander kakatakot!" Bulong nito kung matatawag nga bang bulong dahil narinig naman ito ni Zander kaya mas tinaliman pa niya ang tingin dito dahilan upang humiwalay ito kay Finn at bumalik na sa trabaho.

Wala naman talaga dapat siya dito nadamay lang siya sa inis ni nanay. Siya daw kasi ang panganay dapat dinidisiplina din nito ang mga kapatid kaya bilang parusa pinagtrabaho sila sa bukid.

Okay lang naman sa kanya kasi nakakatulong siya sa negosyo sa kanilang tatay.

Ang pamilya Montealegre ay kilala sa buong lalawigan ng San Remigio. Sila kasi ang maituturing na may pinaka-malaking lupain sa buong San Remigio na pagmamay-ari nila. Sila rin ang pangunahing pinagkukuhanan ng mga supply. Mula sa puno ng saging, buko, mangga, langka at maraming pang iba. Hindi rin mawawala ang ekta-ektaryang sakahan at mga tanim na gulay at prutas. Ang kanilang negosyo ay sagana mula sa kalikasan. Kilala ang kanilang pamilya hindi lamang sa kanilang lalawigan ganun din sa iba't ibang panig ng Pilipinas.

Ngayon nga ay mas pinapalawak pa nila ang kanilang negosyo sa pamamagitan ng pag-import at export sa ibang bansa.

"Sa wakas natapos din! Ang sakit ng likod ko." Reklamo ni Matias pagkapasok sa loob ng bahay kubo. "Hanggang kailan ba tayo dito? Piling ko hindi talaga tayo mahal ni nanay. Grabe na tong parusa sa atin. Miss ko na yung kwarto ko." Dagdag pa nito.

"Aba't may reklamo ka ba Matias Jose?" Napabaling ang magkakapatid sa may pinto ng makita ang kanilang ina na nakatayo sa may pinto.

Tila tinakasan naman ng kulay ang mukha ni Matias ng makita ang ina. Umiling-iling pa ito. "Nay! Hindi po. Piling ko nga mas maganda pang mahiga sa kawayang kama kaysa doon sa mansion."

Tinaasan lamang ng kilay ng kanilang ina si Matias. "Hmmm... Mabuti naman at nagustuhan mo di bale mas magtatagal ka pa dito dahil sa narinig ko." Nakangiting sabi ni nanay sabay tingin sa apat. "Kayo magsi-uwi na kayo at hinahanap na kayo ng tatay niyo." Mataray nitong sabi.

"Dito lang si Matias nanay?" Tanong ni Finn.

"Bakit Agusto gusto mo bang samahan ang magaling mong kapatid?" Segunda ni nanay.

Agad namang napatayo si Finn at walang pasabing inakbayan si Caleb at Ryder palabas ng kubo. Hindi din naman siya magagawang akbayan ng kapatid dahil takot ito sa kanya. "Matias 'wag kang mag-alala ipagdadasal kita na sana ay hindi ka dapuan ng lamok. Ay hindi pala, di bale na ayaw mo nun? Lalapitan ka ng mga babae, babaeng lamok." Natatawang sabi ni Finn.

"Hoy! Finn Agusto isa ka pa! Kinukunsinti mo kasi itong kapatid mo kaya natututong mambabae. Hala sige magsama kayong dalawa dito, at magsisiuwi na kaming tatlo." Napailing na lamang siya at lumabas na ng kubo.

"Nay! Pasensiya na hindi na mauulit. Nay sasama ako!" Parang batang sabi ni Finn na yumayakap pa sa bewang ng kanilang ina.

Ngunit tinampal lamang nito iyon at binatukan ang anak. "Magsama kayong dalawa. Manang-mana talaga kayo sa babaero niyong tatay!"

"Hala nay lagot ka kay tatay." Sabat ni Matias.

"Bakit isusumbong mo ko? Gusto mo na talagang mabulok dyan sa kubong yan?"

"Hala nay. Wala akong sinasabi. Ito kasing si Finn. Halika na nga dito, oras na para matulog ng dalawin naman tayo ng mga babae-babaeng lamok." Pumasok na rin ang dalawa sa loob ng matalim silang tinignan ni nanay.

Napailing na lamang ang tatlo at naglakad na kasabay ang kanilang ina papasok ng mansion. Sa totoo lang nasa loob lang naman ng bakuran ng hacienda ang maliit na kubong bahay. Parusa kasi ni nanay iyon kapag masyado silang pasaway.

Nasa kanya kung ilang araw silang patutulugin doon. Torture iyon sa kanila dahil walang kuryente, walang malambot na kama kundi isang kawayang malalaki ang pagitan kaya masakit talaga yon sa katawan. Ni kumot wala at tanging unan na matigas din naman ang nandon. Tapos maghapon ka pang magbibilad sa araw upang matapos lang ang pagbubuhat ng mga sako ng kundi bigas ay mga naaning prutas at gulay.

Kahit naman kasi mayaman sila at may ipagmamalaki ay nakakaranas din sila ng paghihirap.

Hindi hiyaan ng kanilang ina na lumaki sila na puro yaman lang at pagmamalaki kung gaano sila makapangyarihan. Tinuruan sila kung paano maging magpakumbaba sa kapwa at hindi pagmamaliit sa mas nakakababa ng kanilang estado.

Kasi kapag ginawa nila iyon ay parang ininsulto nila ang sariling ina. Na isang katulong lamang sa hacienda nila papa noon.

Sa madaling kwento nagmahalan ang dalawang taong magkaiba ang estado sa buhay.

Pagkapasok ng kanilang bahay ay natagpuan nila ang ama na nakaupo sa may dining table. Nakahanda na rin ang pagkain para sa panghapunan.

Lumapit ang kanilang asawa at h*****k sa pisngi nito bago maupo sa tabi niya. Sumunod na rin sila at naupo.

"Where's Matias?" Tanong ng kanilang ama pagkaupo nila.

"Hmmmp... Wag mo na siyang hanapin, magsikain na tayo." Mataray na sabi ng ina.

"What did he do this time?" Nagpatuloy lang siya sa pagkain at hinayaan na magusap ang kanilang magulang.

"Naku! Yang magaling mong anak nahuli ko lang naman doon sa bukid nakikipaglaplapan--"

"Patricia your mouth!"

"Payn payn! Palibhasa kasi namana ng anak mo yang pagiging babaero mo. Tignan mo itong tatlo si Zander, Caleb tsaka itong si Ryder matino naman." Sumbat pa nito sa asawa habang kumakain.

"Ma! Ako? Bakit di ako kasali?" Parang batang gatol ni Finn.

Ngunit tinasaan lamang siya ng kilay ng ina. "Aba, pumapangalawa ka sa kanya. Di ka nga ganun kababaero, masyado ka namang maloko. Puro laro lang ata lahat ng ginagawa mo, kunsimusyon ka rin. Aba ewan ko nga eh. Hindi naman ako ganyan nung maliit ako. Hindi naman ako suwail sa mga magulang ko, kung kailan anlaki laki mo na tsaka ka naman naging siraulo. Manang-mana talaga kayong dalawa sa tatay niyo. Buti na lang dalawa lang kayo at mabait itong tatlo, manang mana sa akin." Napahinga na lamang siya at naipling sa sobrang daldal ng kanilang ina.

"Sus... Kapag kaharap lang naman ganyan sila, kapag nakatalikod na lalabas na mga sungay niyan." Bulong ni Finn na halata namang narinig ng ina dahil sa katabi lang naman nito.

Piningot naman siya bigla nito kaya napaaray si Finn. "Ma! Aray! Hindi na--Aaah!"

"Sinasabi mo bang mali ako ha? Kwinikwestyon mo na ang nanay mo Agusto!?" Gigil na sabi ng nanay nilang si Patricia na mas hinigpitan pa ang pagkurot sa tenga ng anak.

"Wife stop hurting your son." Mahinahong sabi ng kanilang ama.

Tinignan naman ng kanilang ina ng masama ito kaya nanahimik at tahimik na kumain. Hindi niya tuloy maiwasan ang mapaikot ng mata. Sa loob ng tahanan ang kanilang ina ang boss dito. Kahit ang kinatatakutang si Richard Alexander Montealegre ay tiklop sa isang Patricia Mai Lumawig-Montealegre.

Matapos non ay natahimik din sila sa pagkain.

ZANDER MONTEALEGRE

NARINIG kong tumikhim si papa ngunit hindi na ako nag-abala pang tumingin.

Pansin ko namang inagaw niya ang aming pansin kaya napatingin ang lahat maliban sa akin. Hindi ko naman kailangan tumingin dahil tenga ang ginagamit para marinig ang pag-uusapan.

Kumuha na lamang ako ng sabaw ng sinigang na hipon at humigop mula sa maliit na mangkok. Wala namang dapat sundin na tamang etiquette basta kung saan ka komportable kumain doon ka.

Gaya nga ng aking sinabi pinalaki kami ng aming nanay na parang isang simpleng tao lamang.

"Zan" Napasulyap lamang ako kay papa ng tinawag ako nito sa aking palayaw.

Seryoso ko lamang siyang tinignan at binaling na ang tingin sa mangkok ng sabaw na aking hinihigop.

Napahinga na lamang ng malalim si papa sa aking kinilos. Sanay naman na siya.

Ayoko kasi sa lahat ay ginugulo ako kapag kumakain. Ayoko ko rin ng may nag-uusap ngunit heto pinagtyatyagaan ko ang mga bunganga nila kapag kasama ko sila.

"Nakausap ko kanina ang aking kumpadre sa telepono kanina at nagkaroon kami ng kasunduan. Kilala niyo naman si Don Stafano Dela Verde diba?" Umiling naman si Finn, samantalang nanatili akong walang reaksyon. Seryoso lang naman si Caleb, si Ryder naman ay may sariling mundo.

Minsan gusto ko ang ugali ni Ryder. Parehas kami ng gusto, katahimikan.

"Anong meron sa kanya?" Tanong ni mama.

"Nakiusap sa akin si Don Stefano tungkol sa kanyang apo."

"Pera ba dad?" Sabat naman ni Caleb.

Umiling si papa. "Nope."

Hmmmm... I get it.

"He has a granddaughter named Stefalia Dela Verde at nagkaroon kami ng kasunduan. Dela Verde Empire is a big asset to our business. Matagal na nating plano na palaguin ang negosyo hanggang sa ibang bansa then Don will help us in exchange of marrying her apo." Sabi nito sabay punas ng table napkin sa kanyang bibig.

"Hindi ba dad parang mas pabor sa atin ang kasunduan?" Hindi ko na maiwasang sumingit. Basta usapang negosyo hindi mawawala ang aking atensyon.

"Yeah. Natanong ko na rin yan pero ang gusto lang niya ay maging maayos ang kalagayan ng kanyang apo bago man lang daw siya mawala. He wants the best for his apo and I think Zander is the suitable one. Is that fine to you, son?"

Natigilan ako at hindi agad nagawang makapagsalita. One thing of my least priority is marriage especially if it is arrange one. I grew up all about thinking how to manage our business since I'm the eldest one. I can do everything for the grow of the business, but not this one. Pakiramdam ko ay mawawala ang pinaghirapan kong itaguyod bilang isang panganay kung makakasal ako.

I sighed. Diretso kong tinignan sa mata si papa. "Pa, tingin ko ay hindi ko kayang gawin ang pabor niyo."

Bakas sa mata ni papa ang gulat pero nakabawi rin at tahimik na napaisip.

"Totoo ba ito anak? Akala ko pa naman ay basta para sa ikabubuti ng negosyo ay hindi mo tatanggihan." Gulat ding sabi ni mama.

Napatungo ako at tumingin sa pagkain. "Marriage is too much. I can do everything for the sake of the business but I think I can't do it."

"Ma si kuya--" Sisingit pa sana si Finn sa usapan pero agad siyang sinaway ni mama kaya natahimik ito at parang batang nagrereklamo dahil hindi napagbigyan.

"Pero bakit anak ayaw mo bang ikasal?"

"Hindi naman sa ayaw ko pero sa tingin ko ay masyado pang maaga para ikasal ako and I think if I got married ay mahahati na ang atensyon ko sa negosyo at sa asawa ko which is not good so I'll pass."

"Kasi naman Zan hindi mo naman kailangan ituon lahat ng atensyon mo sa negosyo. Hindi lang naman ikaw ang may buhat ng lahat. Nandyan pa ang papa mo at kahit mga kapatid mo ay nandyan para hawakan ang negosyo. Minsan naman ay mabigyan mo ng oras ang sarili mo. Malay mo ang pag-aasawa ay makatulong sayo para makapagpahinga." Panguunawa sa akin ni mama.

Tumingin ako sa kanilang dalawa para ipakitang buo na ang aking desisyon. "Sorry, ma pero buo na po ang desisyon ko."

Bakas sa mata ni mama ang pagkabigo ngunit alam kong naunawaan naman niya iyon ganun din si papa.

"I understand son. Hindi ko rin naman maaaring baliin ang usapan dahil lang tumanggi ka so I think it will pass to Caleb. Son?" Tumingin kami kay Caleb na tahimik lang ding kumakain.

"Ayos lang po. Wala naman pong problema sa akin basta para sa business."

"Anak sigurado ka ba? Matatali ka sa taong hindi mo pa kilala at lalong hindi mo mahal." Concern na sabi ni mama.

"Ayos lang ma. Natutunan naman iyon diba?" Nakangiting saad naman ni Caleb. I secretly rolled my eyes.

He can do everything just for the busines unlike me I can't, seryoso ako sa negosyo namin at kaya ko ring gawin ang lahat para sa ikabubuti nito pero kung madadamay naman ang kalayaan ko nevermind. If he can sacrifice his freedom for the sake of his marriage then fine.

"Great. Bukas makikilala mo na siya." Sabi ni papa.

"Pa, ma bakit nung umayaw si kuya pumayag kayo bakit ako hindi niyo mapagbigyan. Paano naman yung kotse ko?" Reklamo pa ni Finn pagkatapos ng usapan.

"Ay Agusto tigil-tigilan mo kami ng papa mo ah at baka hindi ka na nga talaga bigyan ng kotse dyan. Ayaw kong magkaroon ka noon at baka bigla ka na lang mawala nanaman na parang bula at hindi nagparamdam sa amin. Pwede naman bigyan ka ng kotse ng papa mo pero kasama non ay dalhin mo na ang gamit mo at lumayas ka na."

"Yeah. Aking butihing kapatid nais mo rin bang magaya kay Caleb ang iyong kapalaran? Madaling kausap si papa at mama." Pang-aasar pa ni Ryder sa kapatid.

"Sabi ko nga ma ayos lang kahit wala akong kotse. Hehe." Sabay yuko at nagpatuloy sa pagkain.

Matapos non ay tahimik na naming tinapos ang pag kain.