CHAPTER 56

CHAPTER 56

CLEMENTINE DESCHAMPS

"Madame, oras na," paggising sa'kin ni Fantine.

Kahit na gusto ko pang matulog ay bumangon na rin ako. Kailangan kong mag-ayos ngayon dahil ngayon ang araw na gugulong ang ulo ni Charlotte mula sa guillotine.

Lumusong ako sa banyera na may lamang maligamgam na tubig at naligo. Pagkatapos maligo ay pinili ko ang isang kulay pulang bestida upang isuot. Pagkatapos kong magbihis ay inayusan na nila ako at pinasuot ng mga alahas na bagay sa suot kong damit, kasama na r'on ang ginto kong korona na may mga pulang bato.

"Bagay na bagay sa inyo, Madame," wika ni Julie.

"Totoo," tugon naman ni Isabelle. "Talagang kuhang-kuha ni Madame ang presensya ng isang emperatris."

Napabungisngis na lang ako sa mga papuri nila.

"Kailangan na nating umalis, Madame," usal naman ni Fantine.

Lumakad na kami at nagtungo sa labas ng palasyo. Agad naming nakita sina Francis at ang iba pa. Mukhang kami na lang pala ang hinihintay.

"Clementine," pagtawag sa'kin ni Francis bago niya k