Chapter 38

Noella’s Point of View

“Bakit hindi mo sinabi sa akin ang lahat nang iyan sa una pa lang?” tanong ni Diego sa akin.

“Dahil hindi p’wede. Kahit gustuhin ko man ay hindi p’wede dahil natatakot akong mapahamak ang lahat ng mahal ko sa buhay. I-isa pa, kasapi ka sa grupo ng nagmamay-ari ng Slave Market kaya kahit ikaw din noon ay hindi ko mapagkatiwalaan at galit na galit ako sa’yo noon dahil nagawa niyo ang ganoon sa amin.

“Sa aming mga babae na sapilitang ibenta sa Slave Market. Pero unti-unti ko rin nalaman sa mga pag-uusap natin nang magkasama tayo, kahit sa pag-uusap namin ni Draco at Kaan, na iba ang pagkakaalam niyo sa aming mga babaeng binibenta sa Slave Market sa buong katotohanan kung bakit nandoon kami at binenta kami,” tugon ko.

“Matagal na ako sa organisasyon at isa sa pinagbabawal ang ganoong negosyo! Ang sapilitang magbenta ng tao k-kaya nagulat ako sa nalaman ko,” aniya.

“N-nagsasabi ako nang totoo, Diego. Pero ayos lang kung hindi ka maniwala, grupo mo ang pinag-uusapan a