Chapter 32

Noella’s Point of View

Hindi ko akalain na darating ngayon si Mateo at nagulat lalo ako nang sabik mula sa bosses niya ang narinig ko nang makita na nandito ako at binigyan ako nang mainit na yakap ngayon na dahilan para makadama ako ng tuwa. Akala ko kasi galit pa rin si Mateo sa akin dahil sa huli naming pagkikita ay hindi naging maganda ang pagtatapos ng usapan namin noon at sinabi niya na na-disappoint siya sa akin dahil selfish ako saka kitang-kita sa mukha niya noon na talagang na-disappoint siya sa akin.

“Mabuti na lang at pumunta ako rito para kausapin si Maya. Nandito ka pala, Noella,” sabi ni Mateo sa akin habang magkayakap pa rin kami.

“Excuse me,” sabat ni Diego saka naramdaman kong hinila ni Diego ang braso ko palayo kay Mateo. “Masiyado nang matagal ang pagyayakapan niyo ng girlfriend ko,” sabi pa niya dahilan para mapatingin ako kay Diego.

Seryoso ang mukha niya na nakatingin kay Mateo. Si Mateo naman ay napatingin din kay Diego at biglang naging seryoso rin habang nak