CHAPTER NINE

Kanina pa patagong nakasunod si Kathleen sa dalawang lalaki na parehong malalaki ang mga hakbang na naglalakad sa gitna ng kalsadang tumutumbok sa train station. 

Sina Alec at Ryland. 

Hindi alam ni Kathleen kung saan galing ang dalawa. Kumakain siya sa isang restaurant malapit doon nang matanaw niya ang dalawa na seryosong naglalakad. Agaw-pansin ang mga ito dahil parehong magagandang lalaki. Hindi rin maitago ng suot na jacket nina Alec at Ryland ang mga katawang tila hinulma ng pinakamagaling na manlililok. 

Lukot ang mukhang patuloy sa pagsunod si Kathleen. Gusto na niyang sigawan ang dalawa dahil sa bilis ng mga ito na maglakad. Palibhasa malalaking lalaki kaya pati ang mga hakbang ay malalaki rin. Lalo na si Alec na mas matangkad na hindi hamak kay Ryland. 

"Kung bakit naman kasi ang bilis maglakad ng mga hinayupak na ito?!" Gigil na bulong ni Kathleen sa sarili. 

Napatigil si Kathleen pagsunod nang biglang huminto si