Kabanata XII

Napadilat ako ng tila may maramdaman akong mainit sa dumampi sa aking noo. Nang idiliat ko ang aking mga mata ay nabanaag ko ang gwapo ngunit pagod na muka ni Jiro. Batid kong ang labi niya nag siyang dumampi sa aking noo sapagkat naramdaman ko ang lambot noon na kilalang kilala na ng aking balat. Dala ng sobrang kaantukan ay hindi ko na pinilit bumangon, sa halip ay kusang humaplos ang kamay ko sa mukha niya. Saglit siyang pumikit ngunit dumilat din agad at sinalubong ang tingin mula sa mga mata kong nahihirapan pang dumilat ng tulayan.

“Anong oras na, kumain ka na ba?” tanong ko.

Bahagya pa akong nahiya sa bandang huli sapagkat nagtutunog asawa na ang pagtatanong ko. Hindi ko lang kase maipigilan ang sarili, sapagkat batid kong madaling araw na.Excited akong naghintay sa pag-uwe nya kanina ngunit gaya ng mga nakakaraang araw ay late narin siyang nakaumuwe ngayon. Pasado alas dose ng magpasya akong mahiga kanina dahil hindi ko na kinaya ang antok, hanggang sa nakatulog na pala ako.