Chapter 113: Golf

LUMAPAD pa ang ngiti ni Dexter nang makasilong sila sa lilim. Pinaabutan niya ang dalawang babae ng tig-isang baso ng malamig na tubig. Agad naman iyong tinanggap ni Alyson dahil parang mahihimatay na siya sa uhaw. Nalimutang may baon nga pala siyang tubig. Si Roxan naman ay pa-demure pa, ngunit sa bandang huli ay kinuha na rin niya ang baso at mabagal na itong ininom.

"Maraming salamat, Mr. Silverio." hinga ni Alyson nang malalim matapos maubos ang tubig.

"Anong pangalan mo? Have we met before?" magkasunod na tanong ng lalake, itinagilid pa ang ulo. "Medyo pamilyar ka kasi sa akin."

"Baka hindi ako 'yun, Mr. Silverio. Baka nagkamali lang po kayo ng tingin. Bagong tanggap na employee pa lang ako sa Evangelio Designs."

"Talaga?"

"Yes, Mr. Silverio. Baka napagkamalan mo lang ako."

"Ang formal naman ng tawag mo sa akin. What if tawagin mo na lang ako sa aking first name? Dexter. Iyon na lang. Huwag na ang Mr. Silverio."

Napataas na ang isang kilay ni Roxan sa sinabi ng lalake. Babaero