Chapter 118: Wet Market

KAAGAD NA LUMIKO at pumasok sa isang makipot na eskinita si Alyson nang matanaw niya ang pamilyar na sasakyan ni Geoff na bumubuntot. Gusto nitong makipaglaro sa kanya? Ibibigay niya.

'Akala ko ba iniwan na niya ako? Bakit bumalik?'

Nungkang sasakay siya ulit doon matapos nitong biglang ibaba siya kanina. Manigas siya. Hanggang mapudpod ang paa niya kakasunod ay hindi siya sasakay sa sasakyan nito. Maghahanap na lang siya ng taxi. Paglabas niya sa kabilang dulo ay nakita niya doon ang lalake. Muli siyang bumalik. Tila nakikipag-patintero kay Geoff.

'Magsawa siya kakasunod.'

"Alyson!"

Pinunas ng babae ang namuong pawis sa kanyang noo gamit ang likod ng kanyang palad. Napapagod na rin siya kakatakas kay Geoff.

"Nagdidilim ang langit, uulan na. Sumakay ka na nang makauwi na tayo. Huwag ka ng matigas!"

Nakalabas ang isang braso ni Geoff sa bintana ng bukas na sasakyan. Halatang naiinis na sa kanya.

"Gusto mo bang magpabasa?"

Hindi siya pinansin ni Alyson kahit pa namamanhid ang paa ng ba