Chapter 119: Unexpected Refusal

NAKALABAS NA SILA ng wet market nang matigilan si Alyson. May natanaw kasi siyang coffee shop. Bigla na lang kumalam at nag-crave sa iced coffee ang sikmura niya. Ilang beses niyang sinipat si Geoff na tuloy-tuloy lang ang lakad pabalik kung saan nila iniwan ang kotse kanina. Kung tatawagin niya ito ay hindi rin naman siya maririnig sa distansya at layo nito sa kanya.

"Bahala na, saglit lang naman ako."

Tumalikod siya at akmang pupunta na sa natanaw na coffee shop pero muli siyang humarap. Baka hanapin siya ni Geoff kapag nakita nitong wala siya sa likuran ng asawa. Iniiwasan niya ang mag-panic ito at isiping tinakasan niya.

"Geoff, saglit lang ha? May bibilhin pa pala ako. Nakalimutan ko. Wait lang!"

Buhol ang mga kilay na humarap na si Geoff sa banda ni Alyson nang marinig ang malakas na sigaw.

"Ano ba naman 'yan—"

"Mauna ka na sa kotse. Doon mo na ako hintayin. Sige na, Geoffrey! Babalik naman ako kaagad."

Hindi na hinintay ni Alyson ang sagot ni Geoff at tuluyan niya na itong tin