MAGKATULONG NA NILINIS ni Alyson at ng maid ang binili nilang mga seafood. Noong una ang buong akala ng babae ay siya lang ang gagalaw pero nagulat siya nang matapos nito magbihis ay nagtungo si Geoff ng kusina. "Doon ka na, kami na ang bahala dito ni Manang." utos dito ni Aly. Bahagya siyang naiilang. Hindi siya sanay na ganito ang pakikitungo sa kanya ni Geoff. Parang may mali. "Hindi na. Gusto kong makita kung paano magluto niyan para in case na mag-cravings ako next time ay alam ko na kung paano magluluto." Mababaw na dahilan na naman 'yun para kay Alyson pero tinanggap na lang niya at pinalagpas ng tainga. "Sige, ikaw ang bahala." Habang pinagmamasdan ni Geoff si Alyson ay hindi mawala sa isipan niya ang ginawang pagsalungat sa gusto ni Loraine. Maging siya ay na-surpresa rin ng ginawa at lunabas sa bibig niya. Galit ito sa kanya, malamang ni isang tawag kasi o text ay walang natanggap. 'Ayos lang iyon, ngayon lang naman.'Excited na pinagsaluhan nila ang niluto ni Alyson.
GALAITING NAGLAKAD na patungo ng gate si Loraine upang lisanin ang lugar. Ngunit agad 'ding natigil sa paghakbang nang makita niya si Geoff na kasalukuyang saktong papasok pa lang ng gate. "Anong ginagawa mo dito, Loraine?" "Saan ka galing, Geoff?" angil na ni Loraine, "Bakit hindi ka man lang nag-text o tumawag sa akin?!"Isa't-isa ang hinga at hindi pa rin maipinta ang mukhang lumapit si Loraine kay Geoff na nanatiling nakatayo lang sa gilid ng gate. Hindi 'yun sinagot ni Geoff. Iba ang kutob niya sa pagpunta ni Loraine. Malamang nagpang-abot na naman sila ni Alyson at sakaling nagkita sila. "Inaway mo na naman si Aly—" "Alyson! Alyson! Alyson! Puro ka na lang Alyson! Ano ka ba naman, Geoff? Sagutin mo ang tanong ko!" Umatungal na ng iyak si Loraine na animo sinapak. Hindi siya nilapitan ni Geoff upang aluin. Nakatitig lang ang lalake sa kanya. "Nahuhulog ka na ba sa kanya? Mas concern ka na sa babaeng 'yun keysa sa aming mag-ina na magiging pamilya mo ah?!" "Loraine—""Ano
TULOY-TULOY NA pumasok na si Geoff sa loob ng bahay nila matapos na humugot ng ilang malalim na buntong-hininga. Ang maid na lang nila ang naabutan niya sa kusina at nagmo-mop ng sahig. "Si Alyson?" "Kakaakyat lang po sa itaas, Sir." "Ah sige," wika niyang tumalikod para lumabas.UPANG LIBANGIN ang sarili ay minabuti ni Alyson na magdesign na lang ng iba niyang kailangan. E-sketch niya lang naman ang mga hindi pa niya natapos. Nang marinig ang mga palapit na yabag patungo sa pintuan ng silid ay mabilis niyang tinakpan ang canvas kung siya nagdra-drawing."Kailan ka pa dumating?" bungad agad ni Alyson pagbukas pa lang ni Geoff ng pintuan ng silid. Natuto na siya sa pagpasok nito noong nakaraan na wala man lang paalam. At least ready na siya. "Anong ginagawa mo? Nagdra-drawing? Patingin. Bakit hindi ko na naman 'yan pwedeng makita?"Nakatayo na si Alyson sa may gilid ng kama at nagkukunwaring may pinagkakaabalahan kuno. Nagawa niyang iligpit ang kanyang mga gamit."W-Wala, may pina
KANINA PA PANAY ang sulyap ni Geoff sa screen ng cellphone. Nagtataka siya kung bakit ang tagal ng tawag ng secretary niyang si Alia gayong sabi nito ay gagawin niya naman iyon kaagad. Mauubos na lang ang kape niya sa tasa na siya mismo ang nagtimpla ay wala pa rin siyang balita mula dito. Nang hindi na makatiis ay dinampot na niya ang cellphone at muling tinawagan ang secretary."Gaano ba kahirap ng pinapagawa ko sa'yo, Alia? Che-check mo lang! Ang hirap bang gawin noon?" "Sir, saglit lang po—""Ano? Sasagot ka pa? Wala ka pa rin bang balita?"Ilang beses napapikit si Alia upang kalmahin ang sarili niyang huwag sumabog sa amo. Hindi pa siya kinokontak noong inutusan niyang tauhan. Wala rin naman kasi siyang access sa lahat. Iyon lang din naman ang inaasahan niyang source."Sir Geoff, wala pa po kasi. Bukod po sa pagiging bankcrupt ng pamilya niya dahil sa ama niya ay wala na po akong ibang masabi. Haka-haka ko lang po ito ah, baka po kasi may gumugulo na naman sa pamilya nila kaya s
MAGKAKILALA ANG MGA PARENTS nila ni Julius na nagkita sa isang social gathering. Oo at classmate niya ito noon ay madalas ding i-reto sila sa isa't-isa. Kaya lang, hindi niya talaga tipo ang lalake. Hindi ito ang tipo niya sa isang lalake."Hijo, dito ka na kumain ng lunch. Mamamalengke lang ako ng mga lulutuin. Huwag ka munang aalis ah? Saglit lang akong mawawala." "Sige po, Tita. Matagal na rin pong panahon noong huling makakain ako ng masarap at saka lutong-bahay." Malapad na napangisi ang ina ni Alyson at nilingon ang anak na nasa kusina pa rin. Para sa kanya ay mabait na bata si Julius at nakikita naman niya kung gaano nito kagusto si Alyson, kaya pabor siya na dito mapunta ang anak. Hindi rin ito mukhang maramot gaya ng asawa ngayon ni Alyson na walang kahit na anong pakialam. "Maiwan ko muna kayo ha? Saglit lang talaga ako. Hintayin mo na lang dito si Alyson ha? Maya-maya lang ay lalabas na rin 'yun. Maiwan ko muna kayo dito."Marahas na pinalis ni Alyson ang mga luha sa muk
MAY HIMIG NG pagka-asar na pumalakpak si Alyson. Ngumisi na puno ng sarkasmo, pero wala namang pakialam sa reaction niya si Julius. Inilibot ng lalake ang paningin, sa kabuohan ng maliit na espasyo ng kanilang bahay ngayon."Uulitin ko, Alyson. Kaya kong ibigay ang lahat sa'yo kagaya ng malaking bahay, hindi kagaya nito na parang lungga ng daga. At kahit ilang kotse pa ang hilingin mo, bukas-palad kong ibibigay sa'yo. Hindi lang 'yun, ipapalagay ko pa ang lahat ng 'yun sa pangalan mo at hindi sa akin. Ibig sabihin, ikaw lang ang may karapatan sa ari-ariang 'yun the moment na ibigay ko na."Kung sa ibang babaeng napaka-materialistic ay paniguradong nasilaw na sila dito. Kaso, iba siya sa mga babaeng 'yun. Malayo siya sa kanila."Sabi ko naman sa'yo na kaya kong ibigay ang lahat. Basta ang kapalit noon ay pakakasalan mo ako...at gagampanan mo ang pagiging asawa ko." Nabasag na ang katahimikan ng paligid nang humagalpak na ng tawa si Alyson. Humawak pa ang babae sa kanyang tiyan. "Anon
PINANDILATAN na ng mga mata ni Alyson si Julius na nakangising aso pa rin sa kanya. Umikot siya, tinalikuran ito upang muling bumalik sana sa loob ng bahay. "Alyson, okay na ba tayo?" Nakapamulsang sinundan siya ni Julius. Padabog niyang binuksan ang pintuan at dere-deretso ng kinuha ang bag sa sofa. Muli siyang lumabas ng kanilang bahay. Wala pa 'ring pakialam sa mga matang palihim na sa kanila ay nagmamasid."Alyson, teka lang! Saan ka pupunta?"Hinila na ni Julius ang tangkay ng bag ni Alyson, dahilan para matigilan ang babae sa paghakbang at kamuntikan nang matumba."Since iginigiit mo na manatili pa dito kahit pinapalayas na kita, ako na lang ang mag-adjust. Ako na ang aalis. Pakisabi na lang kay Mama na enjoy kayong dalawa sa lunch na ihahanda niya.""Nahihibang ka bang babae ka? Ikaw ang dahilan ng pinunta ko dito tapos basta iiwanan mo lang?" "Alangan namang isama kita paalis? Hindi naman tayo pareho ng pupuntahan." pilosopong sagot ni Alyson, pinatulis ang nguso at inismir
LUMAMBOT ANG MGA mata ni Geoff nang makita ang takot na naka-rehistro sa mukha ni Alyson. Kung kanina ay galit na galit siya at kulang na lang ay pumatay ng tao, nang makita niya si Alyson ay parang hangin na inilipad na iyon. "A-Anong ginagawa mo dito?"Salit-salitan ang naging tingin ni Alyson sa mukha ni Geoff at sa limang lalake na kasama niya doon. Walang pag-aalinlangan na hinaklit ni Geoff ang isang braso ni Alyson. Mabilis na lumabas na ng gate, tangay si Alyson na blangko pa rin ang mukhang nakatingin lang sa likod ng lalake. Iniisip pa rin ang mga biglaang pangyayari sa kanila. Nang makalayo pa ng ilang dipa mula sa bahay ay huminto na sa paglalakad si Geoff. Nakarating na rin kasi sila sa may dulo na ng kalsada."Geoff, hindi mo pa sinasagot ang tanong ko. Anong ginagawa mo sa lugar na ito?!"Tumikhim si Geoff ng ilang beses. Saglit napaiwas ang mga mata. Di alam paano niya sisimulan ang magiging paliwanag kay Alyson paano siya napunta doon at ang ginawa niya rin kay Juliu