Eighteen

Carla’s POV

Nakatayo ako ngayon malapit sa stage at tahimik na pinapanuod si Gino sa kaniyang speech. Napakatikas niyang tingnan habang nakatayo sa harapan ng maraming tao, hindi ko lubos akalain na malayo ang mararating ng masungit na lalaki na ito. Muntikan ko ng maibuga ang wine na iniinom ko ng bigla niyang banggitin ang tungkol sa mga damit nila na gawa ko. Sinabi ko kasi sa kaniya kanina sa sasakyan na ‘wag na niyang babanggitin ‘yon dahil baka isipin pa ng mga kakilala niya na kumakapit ako sa mga mayayaman para sumikat.

Nang pagkatapos nitong magsalita, pinuntahan niya kaagad ang pwesto ko at nagkaroon naman ako ng pagkakataon para sitahin siya.

“Bakit mo pa binanngit iyon?” tanong ko kay Gino nang hindi nakatingin sa kaniya.

“Binanggit ko iyon dahil iyon ang usapan natin hindi ba? Tinupad ko lang ang ipinangako ko,” tugon nito.

Napanguso na lang ako sa sinabi ni Gino at bumalik na ako sa aking upuan. Bakit ganito ang nararamdaman ko? Parang bumabalik ang nararamdaman ko kay