Chapter 71

JEN

"Ma'am Jen, nandito na po ang pagkain n'yo," ani Mina matapos ilapag sa side table ng kinahihigaan ko ang isang tray. Mahina ang pagkakasabi nito dahil tulog pa nang mga oras na 'yon ang kambal ko.

"Salamat," matipid kong sagot.

"Pasensya na, Ma'am. Ito lang kasi ang meron."

Tutong na naman. At halos sabaw na lang ng sinigang ang dala niya. Tira-tira na naman ang aking magiging hapunan. Kung hindi tira-tira, kung minsan ay bahaw lang.

That's how they used to treat me here for the last eight months.

Mas masarap pa ang pagkain ng mga katulong kaysa sa idinudulot nila sa akin.

Maging ang kuwartong tinutulugan ko sa umaga ay gano'n din. Pinalipat na ako ni Doktora sa baba, specifically sa sobrang kuwarto ng mga katulong. They never talked to me anymore na para akong hindi nag-e-exist doon.

At marami akong bawal gawin. Bawal magpagala-gala sa loob ng mansion. Bawal makisabay sa kanilang kumain. At higit sa lahat, bawal ko ring dalhin sa labas ang mga anak ko.

Sa gabi ko na lang din