Chapter Twenty Five

Umuwi ako na hindi na muli pa nakausap si Bry. Umuwi ako na hinahanap siya pero hindi na muli ito nagpakita pa.

Nang nasa biyahe pa lang ay tinawagan ko na ang mga kaibigan ko para yayain mag-inom. Kaya doon ako dumiretso sa bar ni Cassian dahil doon nila ako hihintayin.

Simula rin nang araw na 'yon ay hindi ko na muna kinontak pa si Lili dahil magulo pa ang isip ko. Iniisip ko rin kung itutuloy ko pa ba ang panliligaw dito gayong napatunayan kong mahal ko pa rin si Bry. Kahit pa sabihin na wala kaming pag-asa ni Bry, ayoko naman maging unfair kay Lili.

Wala akong kagana-gana simula nang umalis ako sa resort na 'yon. Malinaw naman na ayaw niyang sumugal para sa 'kin. Malinaw naman na kaya niyang magsakripisyo para sa kapatid niya.

"What happened? Mukha kang nalugi sa business ah!" Rio said.

Walang gana akong umupo sa couch at kumuha ng alak. Lahat sila ay nakatingin lamang sa 'kin. Pagkatapos ko tumungga sa alak ay napasandal ako sa couch at tinignan isa-isa ang mga kaibigan ko.

Mabut