CHAPTER 60

KUMUNOT ang nuo ni Wynter nang makita si Valerie sa living room ng mansyon nila. Hinahanap niya ang asawa niya ngunit hindi niya alam kung nasaan ito. Nagtanong na siya sa mga kasama niya sa loob ng mansyon pero katulad niya, hindi rin nila alam kung nasaan si Cassiuz. Nagtataka siya dahil pati si Fernalyn at Auntie Nelia ay wala rin dito sa mansyon.

“What are you doing here?” Tanong ni Wynter kay Valerie nang makababa siya ng hagdan at nakita niya ito sa salas.

“Wow, ah. Bawal ba akong pumunta rito?” Nakataas ang kilay na tanong ni Valerie. “But good morning sa ‘yo, mahal na prinsesa. Ang haba ng tulog mo, ah.”

Wynter pouted and walked towards Valerie. Umupo siya sa tabi nito. “Hindi naman pero nagkakapagtaka nandito ka. Mabuti at pinayagan ka ni Mikhail na lumabas ng mag-isa.”

Nagkibit ng balikat si Valerie. “Subukan niyang huwag akong payagan na lumabas baka sapakin ko pa siya.”

Napangiwi si Wynter. “Ang laki na ng tiyan mo.”

“Malamang. Malapit na akong manganak. Ganito ka din ‘no.