KABANATA 10: Idris Found Them Again

“Mukhang tamang-tama lang din talaga ang dating ko.” mahiwaga at tila galit na sambit ng boses lalaki.

Ang lahat ay napatingin sa kapapasok lamang na si Idris. Habang nasa meeting siya kanina ay nakatanggap siya ng tawag mula sa kaniyang pinsan. Nang marinig niya ang pangalan ng babaeng hinahanap niya ay kaagad niyang ipinatigil ang meeting.

“Idris. . .” naisambit ni Celeste ang pangalan ng binata habang halata ang pagkagulat sa kaniyang mga mata.

“Daddy! Daddy! Daddy!” paulit-ulit na sambit ng anak niya. Bigla ay kumawala sa kaniyang bisig si Stella.

Gulat si Mateo sa mas malaking rebelasyon dahil kilala niya si Idris Gonzalo.

Natulala naman at nagulat muli si Celeste dahil sa sinambit ng kaniyang anak. Naguguluhan si Celeste sa kung paano nito nalaman na ito ang Daddy niya. Bukod sa kaniya, kay Jovy, at kay Mateo, wala ng iba pa ang nakakaalam.

Mabilis napaangat ng tingin si Celeste sa Doctor at naalala niyang bago pa mag umpisa ang session kanina ay may tinawagan na ito, ganoʼn din