Chapter 89

"OY, ano'ng ginagawa mo diyan?" nakapameywang na tanong ni Francisco.

Napaangat ako ng tingin. "W-Wala, may sinisilip lang ako."

Na-miss ko kasi ang office niya. Ilang taon din akong hindi nakatungtong doon. Curious lang din naman kasi ako kung sino na ang tumatao. So hindi na pala talaga siya. I wonder, ano na kayang pagkakaabalahan niya sa buhay? Tatambay-tambay na lang din ba?

"Tara na! May makakita pa sa 'yo diyan!"

Umakyat na nga ako ng hagdan. Inabot niya ang kamay ko nang malapit na ako sa dulo. Hinila niya pa ako pataas.

May mga kinuha lang siyang ibang gamit sa penthouse kaya nandito kami ngayon. I miss this place too. Naalala ko noon patakbo-takbo pa ako rito no'ng may dumating siyang hindi inaasahang 'buwisita'. I wonder where they are now too. Kapag may nanggulo ulit talaga, mananapak na ako.

"Kanina pa ako hanap nang hanap sa 'yo akala ko kung saan ka na nagpunta," sabi pa niya.

"So saan na tayo pupulutin nito? Saan tayo titira?" tanong ko.

"Ikaw, kung saan mo gusto-"

"T