CHAPTER 10- BELONG WITH

Naging mabagal lang ang pagmamanehong ginawa ko pabalik ng GC Camp. Naramdaman ko rin ang pagod dahil sa graduation ceremony at pagsundo at hatid ko sa mga magulang ko sa airport.

"Aish! Bakit ba sobrang traffic pa?" himutok ko dahil sa halos hindi na makausad pa ang aking sasakyan.

Bahagya kong binuksan ang bintana pero kaagad ko ring naisara dahil sa usok ng mga sasakyan.

"Badtrip!" asik ko sabay pukpok ng steering wheel.

Napapitlag ako dahil sa biglaang pagtunog ng aking cellphone. Nakakonek din kasi ito sa speaker ng sasakyan ko. Napairap ako dahil si Gabriella Perrer ang nasa caller ID.

Hinayaan ko na lang muna. Dalawang missed calls pa muna bago ko sinagot.

"What?" kaagad kong sagot kahit alam ko naman talaga kung ano ang itinawag nito.

"Where are you, darling?" Kahit hindi ko nakikita ang pagmumukha nito ay alam kong nakangisi ito.

"On the way home, why?"

"Pauwi ka pa lang? Talaga ba?" puno ng pagdududa nitong sabi.

"Oo, bakit? Nakita mo na ba ako diyan sa GC Camp? Use your