TDR- 6

"Bye Mom," paalam sa kaniya ni Hale bago tuluyang pumasok sa loob ng gate. Napangiti naman si Aeris habang nakatanaw sa papalayong pigura ng anak. Sa katunayan ay nakangiti ito hindi dahil sa naihatid na niya ito kundi dahil muling bumalik ang sigla sa ngiti ng anak.

Mayamaya lamang ay nawala na rin ang anak sa kanyang paningin kaya dahan dahan na niyang itinaas ang salamin ng kotse bago muling ipinagpatuloy ang pagmamaneho. Ilang saglit lang naman ang kaniyang pagmamaneho at nakarating na rin agad sa kanilang building, kung saan siya nagtatrabaho. Habang pababa ng kotse ay hindi niya maiwasang kabahan. Simula nang malaman niya kanina sa boss ang mga ganap sa kumpanya ay hindi na siya mapakali. Kaya naman wala pang ilang minuto ay nakapaghanda na siya agad kasabay ng pag alis nilang mag ina.

Sa kabutihang palad ay mukhang napaaga pa ang dating niya sa opisina. May oras pa siya upang makapag ayos kahit papaano. Pagpasok niya sa loob ng kanilang ground ay naabutan niya ang ilan sa mga