CHAPTER 87 SEASON 3 ANG WAKAS

Ilang araw ang lumipas at linggo na, abala na ang lahat para sa gaganaping wedding sa resort, maaga pa lang ay naroon na rin ang kaibigan ni Ley na wedding organizer.

Habang abala ang lahat at nagtatawanan pa ang iba sa pag-aayos lalo ang asaran nila Karina, Margaux at Colby na bumalik mula sa Manila upang tumulong rin ay natatahimik si Ley na pinagmamasdan sila.

Naalala niya ang biglang pagbuhos ng luha ni Margaux isang linggo ang nakakalipas, mula noon ay hindi naman ito nagsabi or nagbanggit tungkol sa pangyayari at tila wala lang sa kaniya iyon.

Nahihiwagaan man dahil pansin niya ang kakaibang lungkot sa mukha ni Margaux ay hindi na lang muna niya ito pinansin at maghihintay na lamang siyang sabihin ito sa kaniya.

Maya-maya pa ay lumapit si Colby kay Ley at bumulong.

"Hindi mo ba alam ang araw na ito?"

"Huh?"

"Sabi ko may idea ka ba sa araw na ito?"

"Hmmmm July 27..."

"Oo nga...sandali, don't tell me hindi mo alam?"

"Ang alin nga?"

Natahimik si Colby at napatitig kay Ley na halos