CHAPTER 10

"Isa pang halik sa bagong kasal!" Malakas na boses ni Judge George na sinuportahan naman ng mga kasambahay ni Ken na naroon at kasama nilang kumakain.

Isang mabilis na halik ang ginawa ni Ken sa labi ni Ghie Anne na ikinagulat ng dalaga. Nakita ni Ken kung paano nag react si Ghie Anne sa kaniyang ginawa at naramdaman niyang bigla na lamang siyang kinurot nito sa bandang hita.

"Nanamantala ka ba? Wala sa kontrata natin iyan," palihim na salita ni Ghie Anne habang kinakamot ni Ken ang hitang kinurot ng dalaga.

"Wala akong magawa kundi ang gawin iyon Anne. Nakatingin si Judge sa atin," pabulong na salita ni Ken kay Ghie Anne na lumingon din sa kung saan nakaupo ang Judge.

Ang nakakatawa pa ay tuwang tuwa ang mga kasambahay sa kanilang nasaksihan dahil nagpalakpakan pa ang mga ito. Pwera lang ang kuya Nilo ni Ghie Anne na tahimik lamang sa kaniyang upuan kasama ang kaniyang asawa na wala ding imik. Dahil alam nila na kasal lamang sa kontrata sina Ken at Ghie Anne.

CHRISTOPHER KEN

"H